Համաձայն ամերիկացի գիտնականների նոր հետազոտության՝ կենցաղում տրիկլոզան տարրի պարունակությամբ օճառի տևական օգտագործումը կարող է օրգանիզմի վրա բացասական ազդեցություն ունենալ՝ ընդհուպ մինչև քաղցկեղի զարգացում։ Այս մասին հայտնում է ladyhealth.com.ua-ն։
Մասնավորապես նման օճառի կիրառումից կարող է տուժել լյարդը. մարդն այդ դեպքում ենթարկված է ստանալու ֆիբրոզ կամ այդ կարևորագույն օրգանի քաղցկեղային հիվանդություն։
Տրիկլոզանն ակտիվորեն օգտագործվում է լվացող և մաքրող միջոցների արտադրությունում որպես հակաբակտերիալ և հակասնկային բաղադրիչ։ Այն լայնորեն տարածված է օճառում, շամպուններում, ատամի մածուկներում և հիգիենայի այլ միջոցներում։ Մասնագետները կարծում են, որ դրանց մշտական կիրառումը սպառնում է օրգանիզմում տրիկլոզանի կուտակմամբ, իսկ դրա բարձր պարունակությունը կապում են վերարատադրողական համակարգում հորմոնալ խանգարումների և մկանային համակարգի վրա բացասական ազդեցության հետ։