Նատրիումի, մանգանի, կալիումի, մագնեզիումի և կալցիումի պարունակությամբ աչքի ընկնող խուրման գերազանցում է խնձորին: Այն նաև հարուստ է A, C, B վիտամիններով, ինչպես նաև յոդով և սախարոզով:

Նա, ով մշտապես խուրմա է ուտում, դրանում պարունակվող պեկտին նյութի շնորհիվ գրեթե խնդիրներ չի ունենա աղեստամոքսային տրակտում: Խուրման հրաշալի մթերք է, որը կարող է պաշտպանել բազմաթիվ հիվանդություններից: Կալիումի մեծ քանակության հաշվին խուրման շատ օգտակար է այն մարդկանց համար, ովքեր սրտանոթային համակարգի հետ կապված խնդիրներ ունեն:

Եթե ստիպված եք միզամուղ դեղեր ընդունել, որոնք օրգանիզմից դուրս են մղում կալիումը, ապա ձեզ համար խուրման ամենակարևոր մթերքն է, որը պետք է սեղանից անպակաս լինի: Կալիումն անհրաժեշտ է նաև երիկամներում քարերի առաջացումը կանխելու համար: Երկաթի մեծ քանակության շնորհիվ խուրման օգտակար է հղիներին և նրանց, ովքեր տառապում են սակավարյունությունից: Խուրմայի գործածումը հրաշալի կանխարգելիչ միջոց է վահանագեղձի հիվանդությունների դեպքում, քանի որ նրա բաղադրության մեջ յոդ կա:

Խուրման հարուստ է հակաօքսիդներով, որոնք պայքարում են ազատ ռադիկալների դեմ: Բացի այդ, այն պարունակում է բետակարոտին և A պրովիտամին, որոնք պաշտպանում են օնկոլոգիական հիվանդություններից:

Խուրման ամրացնում է դիմադրողականությունը, բարձրացնում աշխատունակությունը, հանգստացնող ազդեցություն է թողնում նյարդային համակարգի վրա: Խուրմայի բարերար ազդեցությունը չի սահմանափակվում միայն ֆիզիկական առողջությամբ, այն նաև դիմահարդարման հիանալի միջոց է: Մաքուր մաշկին քսեք խուրմայի փափուկ պտղամիսը և 10-15 րոպեից լվացեք սառը ջրով:

Նմանատիպ նյութեր

• Ավելի լավ է չիր ուտել, քան հյութեր խմել
• Սննդի ընդունումը՝ ըստ կենսաբանական ժամերի
• Տարածված հարցեր՝ մաշկի հետ կապված. պատասխանում է մաշկաբանը
• Տարածված հարցեր՝ ստամոքսի հետ կապված. պատասխանում է գաստրոէնտերոլոգը
• Տարածված հարցեր գինեկոլոգին

Նոր նյութեր

Միացեք մեզ YouTube-ում... 80հզ.+ բաժանորդ