Ինչպես գրում է «The Daily Mail»-ը, շատ ուսանողներ չեն կարողանում դասախոսությունները մինչև վերջ լսել և դասի կեսից քնում են: Գիտնականների կարծիքով` դա նորմալ երևույթ է, և, նոր տեղեկություն ստանալուց հետո, քնելու ցանկությունն ամրապնդում է այն մարդու ուղեղում:
Նույն տրամաբանությամբ խորհուրդ է տրվում քննությունների նյութերն ուսումնասիրել քնելուց առաջ: Նոտր-Դամ համալսարանի հետազոտողների խումբը վերը նշված տեսությունը ստուգել է 208 ուսանողի վրա, ովքեր գիշերները սովորաբար քնել են 6 ժամ:
Փորձի ժամանակ ուսանողներին որոշակի բառեր են ցույց տվել՝միմյանց հետ կապված կամ պատահական, նրանցից պահանջվել է մտապահել բառերի առավելագույն քանակ, այնուհետ որոշ ժամանակ (նույնիսկ մի ամբողջ գիշեր) անց նրանց խնդրել են կրկնել բառերը:
Արդյունքում միմյանց հետ կապված բառերը մասնակիցները գրեթե նույնությամբ են հիշել, իսկ պատահական բառերն ավելի լավ են հիշվել 12 ժամանոց ընդմիջումից հետո:
Այսպես, այն մասնակցիները, ովքեր փորձից անմիջապես հետո քնել էին, ավել լավ արդյունքներ էին գրանցել:
Հոգեբան Ջեսիքա Փեյնի խոսքով՝ տեղեկությունը մտապահելու համար անհրաժեշտ է քնել, քանի որ քունը լավացնում է հիշողությունը: Այդ իսկ պատճառով, եթե մարդը ցանկանում է ինչ-որ բան մտապահել, անհրաժեշտ է քնելուց առաջ այն կրկնել:
Կայքն իր գործունեությունը տեղափոխել է «Ժամանց և Տեղեկատվություն» YouTube-յան ալիք: Շուտով դուք կվերահասցեավորվեք մեր erkusov.com ֆեյսբուքյան էջ: Միացեք 125հզ.+ բաժանորդներին:
