10:57 Նա 114 տարեկան է. 5 մթերք, որոնց օգնությամբ դա նրան հաջողվել է | |||
Bernando LaPallo-ն սովորական մարդ չէ: Նա ծնվել է 1901թ., մինչև հիմա առողջ է և համոզված, որ իր երկարակեցության համար պարտական է 5 «չգնահատված» մթերքների: Դեռ երիտասարդ տարիքում ԼաՊալլոն որոշել է, որ ցանկանում է ապրել երկար ու երջանիկ: Նա հասկանում էր, որ դրա համար հարկավոր է երկաթե կամք ու կարգուկանոն: Ինչպես նաև՝ ճիշտ սնվելու պլան: Ամերիկայի Արիզոնա նահանգում ծնված Բերնանդոն պնդում է, որ երբեք ոչ մի հիվանդությամբ չի հիվանդացել: Բժիշկները հաստատում են, որ 114-ամյա ծերունու մարմինն ավելի լավ տեսք ունի, քան շատ 80 տարեկաններինը: Բացի այդ՝ նա լուծում է խաչբառներ, կարդում է էլեկտրոնային ու սովորական գրքեր, ունի հրաշալի հիշողություն: Մեր հերոսը համոզված է, որ իր հաջողությունը կարող է կրկնել յուրաքանչյուրը, կարևորը ճիշտ սնվելն ու թեթև ֆիզիկական ծանրաբեռնվածության մեջ լինելն է: Բերնանդոն ասում է, որ երկարակեցության գաղտնիքներն իմացել է հորից, որը բժիշկ էր: Նա խուսափում է կարմիր մսից (այն ուտում է միայն տոն օրերին), չի գնում կիսաֆաբրիկատներ, կենտրոնանում է միայն առողջ սուպերի, մրգերի ու բանջարեղենի վրա: Բայց իսկական «առողջության պահապաններ» նա համարում է 5 մթերք: «Եթե դրանք մշտապես օգտագործեք, ապա շատ հազվադեպ կհիվանդանաք և երկար կապրեք»,- վստահեցնում է ԼաՊալլոն: 1. Սխտոր Սխտորը մարդիկ սկսել են օգտագործել անհիշելի ժամանակներից: Երկար ժամանակ այն դեղամիջոց էր համարվում: Սխտորը պարունակում է հակաբիոտիկ և հակամանրէային նյութեր և էֆեկտիվ ազդեցություն է թողնում՝ առանց ակնհայտ կողմնակի ազդեցությունների: 2. Մեղր Եթե մեղրն ավելացնեք թեյի մեջ շաքարի փոխարեն, ապա ձեր կյանքը կերկարաձգվի մի քանի տարով: ԼաՊալլոն դրան հավատում է: 3. Դարչին Դարչինը հիմա հայտնի համեմունք է, բայց նախկինում այն համարվում էր բուժիչ դեղամիջոց: Այն իջեցնում է արյան մեջ խոլեստերինի մակարդակը և կանխում է շաքարային դիաբետի առաջացումը: 4. Շոկոլադ «Աստվածների կերակուր». այսպես են շոկոլադն անվանում շատ գուրմաններ: Եվ եթե դուք դադարել եք այն ուտել մեծանալուց հետո, ապա մեծ սխալ եք գործել: ԼաՊալլոն ասում է, որ միշտ կերել է շոկոլադ. այն բարձրացրել է իր տրամադրությունը և կարգավորել սիրտ-անոթային համակարգի աշխատանքը: Երևի ավելորդ է հիշեցնել, որ էֆեկտիվ է միայն դառը սև շոկոլադը: Մարդկության պատմության ամենաարյունալի պատերազմները մղվել են նավթի ու ձիթապտղի յուղի համար: Չենք կատակում: Հին Հռոմում այս յուղը համարվում էր երջանկության և երիտասարդության անմահական հեղուկ: Բայց այսօր այն կարելի է գնել ցանկացած խանութից, այն էլ՝ բավականին մատչելի գնով: Ձեր սննդակարգում ներառեք այն և կզգաք տարբերությունը: Թարգմանությունը 168.am-ի Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |