23:54 Մի քանի խոսք թեյի մասին | |||
Թեյը բուժիչ ըմպելիք է: Կանաչ թեյն ավելի շատ կենսաբանական ակտիվ նյութեր է պարունակում, քան սև թեյը: Չինաստանում` թեյի հայրենիքում, դեռ 4 հազարամյակ առաջ են թեյը որպես դեղամիջոց օգտագործել, երբ այն վայրի խոտաբույս էր համարվում մյուս ժողովուրդների համար: Հետագայում մարդիկ, նկատելով թեյի բարերար ազդեցությունը օրգանիզմի վրա, սկսեցին այն մշակել ամենատարբեր եղանակներով և օգտագործել բուժիչ նպատակներով: Լինելով թեթև հոգեխթանիչ` թեյը լավացնում է տեսողությունն ու հիշողությունը, ամրացնում նյարդային համակարգը, նպաստում նոր տեղեկությունների արագ յուրացմանն ու հիշողության մեջ դրանց ամրագրմանը, արագացնում է մտածելու, նոր մտքեր «ստեղծելու» ընթացքը, օգնում արագ կողմնորոշվելուն և ուշադրությունը կենտրոնացնելուն: Թեյը նաև հակաընկճախտային հատկություն ունի. չափավոր կերպով բարձրացնում է տրամադրությունը: Սա չի նշանակում, սակայն, որ կարելի է այն չարաշահել. չափազանց թունդ թեյը կարող է արբեցնել, ինչի հետ կատակ անել չի կարելի: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |