19:45 Բնական հյութեր | |||
 Գրեթե բոլորն իրենց օրը սկսում են մեկ գավաթ սուրճով կամ թեյով: Սակայն շատ ավելի օգտակար են առավոտյան խմել գազարի, դդումի, դեղձի կամ ծիրանի հյութ:Այս հյութերն օգտակար են նրանով, որ սնում են մաշկը, ամրացնում անոթների պատերը, փայլ են հաղորդում աչքերին և սրում են տեսողությունը: Իհարկե, հյութերը պետք է լինեն թարմ քամած, քանի որ խանութում վաճառվողները, որոնք նախատեսված են երկարաժամկետ պահպանման համար, անհրաժեշտ վիտամիններ անհամեմատ քիչ են պարունակում և լի են հավելանյութերով: Թարմ հյութերը պետք է խմել անմիջապես` քամելուց 10-15 րոպեի ընթացքում: Ցանկության դեպքում` դրանք կարող եք նոսրացնել եռացրած ջրով` 1:1-ի հարաբերությամբ: Խմելուց 30 րոպե հետո կարելի է նախաճաշել: Նկատի ունեցեք նաև, որ հյութը պետք է ձեր քիմքին հաճելի լինի, հակառակ դեպքում չի բացառվում, որ ալերգիկ երևույթներ առաջանան` մաշկային ցան, քոր և այլն: Եթե հյութը ձեզ չափազանց քաղցր է թվում, կարող եք ցիտրուսային, թթվաշահամ խնձորի, հատապտուղների հյութ ավելացնել:
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| | ||