00:56 Ինչպիսի՞ ռեզյումեն է համարվում ճիշտ և տպավորիչ | |
Ռեզյումեն (լատ. Curriculum vitae, կարճ) ամենաառաջին տեղեկությունն է, որն ստանում է գործատուն քո մասին: Իսկ ինչպես հայտնի է, հենց առաջին տպավորությունն է հաճախ թելադրում գործի ընթացքը:
Ռեզյումեի տեսակները և նրա առանձնահատկությունները Կախված ինֆորմացիայի մատուցման ձևից՝ ռեզյումեները բաժանվում են երեք տեսակի՝ ժամանակագրական, ֆունկցիոնալ և խառը: Ամենանպատակահարմար տարբերակը խառը տիպի ռեզյումեն է: Ռեզյումնեն պետք է բաղկացած լինի մի քանի բաժիններից՝ կենսագրական տեղեկություններ, աշխատանք, մասնագիտական փորձ և լրացուցիչ այլ տեղեկություններ: Մանրամասն քննարկենք բաժիններից յուրաքանչյուրը:
Կենսագրական տեղեկություններ Սա ռեզյումեի առաջին բաժինն է: Այստեղ կարելի է առանձնացնել պարտադիր և ոչ պարտադիր (ըստ ցանկության) կետերը: Պարտադիր կետերն են՝ անուն, ազգանուն, հայրանուն, տարիք, կոնտակներ, կրթություն, օտար լեզունների իմացությունն ու տիրապետման մակարդակը: Անունը և ազգանունը պետք է գրել ամբողջությամբ: Կոնտակտային տեղեկությունների մեջ պետք է նշել հեռախոսահամարը՝ տնային և բջջային, էլեկտրոնային փոստի հասցեն: Շատ ցանալի է, որ բջջայինիդ սպասազանգը լինի սովորական ազդանշան և ոչ թե որևէ զվարճալի երաժշտություն: Նաև մի՛ ծուլացիր բացել էլեկտրոնային փոստ ավելի լուրջ ֆորմատով, և ոչ թե vzgo89 կամ kisolove և այլն: Նշիր քո ուսումնական հաստատության ամբողջական անվանումը, որը դու ավարտել ես, մասնագիտացումը, որակավորումը, ուսուցման ժամանակահատվածը, ուսուցման տեսակը՝ առկա կամ հեռակա: Ավելորդ չի լինի նշել անցածդ ուսուցումները, սեմինարները և կուրսերը՝ չմոռանալով նշել ստացված վկայականների մասին:
Եթե կարողանաս ճիշտ մատուցել այս տեղեկությունները, այն կարող է դառնալ քո հաջողության երեք քառորդ մասը: Աշխատանքի վայրերի մասին պետք է նշել ժամանակագրական կարգով՝ սկսելով վերջինից, սկզբում նշելով ժամանակահատվածը, ապա կազմակերպության անունը, գործունեության ոլորտը և հաստիքը: Եթե դժվարանում ես հավուր պատշաճի նկարագրել այդ ամենը, ապա փորձիր ինտերնետում գտնել նմանատիպ աշխատանք փնտրողների ռեզյումեներ: Ցանկալի է տեղեկացնել յուրաքանչյուր աշխատավայրում քո ունեցած ձեռքբերումների և տվյալ կազմակերպության աշխատանքներում ներդրումներիդ մասին:
Այս բաժինը նախատեսվում է այն տեղեկությունների համար, որոնց կարելի է անվանել լրացումներ կամ վերջաբան: Այստեղ հարկ է գրել հնարավոր երաշխավորագրերի մասին՝ նշելով կոնտակտային տեղեկությունները, իսկ եթե դա հնարավոր չէ տվյալ պահի համար, ապա պարզապես գրիր՝ «Երաշխավորագիրը կներկայացվի ըստ պահանջի»: Անհրաժեշտ է նշել համակարգչային իմացությունը, սակայն ոչ բոլոր ծրագրերը, որոնց տիրապետում ես, այլ կոնկրետ այն ծրագրերը որոնք անհրաժեշտ են առաջարկվող աշխատանքի համար: Ավելացրու նաև քո մասին այն տեղեկությունները, որոնք կարևորում ես և որոնք գտնում ես ուշադրության արժանի: Կարելի է կցել նաև լուսանկար (որոշ մասնագիտությունների համար դա նույնիսկ պարտադիր է՝ քարտուղարուհի, անձնական օգնական, այցելուների հետ աշխատող մենեջեր և այլն): Ընտրիր այնպիսի լուսանկար, որտեղ համապատասխան գրասենյակային ոճի հագուստով ես: Եվ վերջապես մի անգամ էլ ուշադիր կարդա քո ռեզյումեն, որպեսզի այնտեղ չլինեն բացթողումներ և քերականական սխալներ: Դա շատ կարևոր է: Как правильно составить профессиональное резюме Как правильно составить резюме: советы и готовый шаблон
Подпишитесь на доски (Կարիերա, հոգեբանություն, հարմոնիա) следующих пользователей Pinterest: Օգտակար. Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |
|