Սուրճը որպես նախընտրելի  ըմպելիք, շատ ավելի երիտասարդ  է, քան թեյը: Ինչպես  գիտնականներն  են պնդում, առաջին  անգամ  այս  ըմպելիքը  իր  տեղը  գտավ  Եթովպիայում: Չորրորդ  դարում  եթովպիական  գաղութների  բնակիչները, որոնք  հիմնականում  Եմենում  էին  հաստատվել, իրենց  հետ  բերեցին  սրճի   ծառ, որն էլ  հիմք դրեց  սրճի աճեցմանը: Այդ  ընթացքում  Եմենը գնվում էր  առևտրական  ճանապարհների  կենտրոնում և  մյուս մթերքների  հետ հավասար Մոկկո  նավահանգստում  ներմուծվում  էր արաբական  երկրներ:

14-դարի  առաջին կեսերին  սուրճը հայտնվեց  նաև  Թուքիայում:  Առաջին սրճարանը  Ստամբուլում  բացվեց  1654-ին և մի քանի տարվա  ընթացքում սրճարանները  տարածվեցին  ամբողջ  երկրով:
Եվրոպական  երկրներ  սուրճը  մուտք գործեց 17-րդ դարի կեսերին: Սկզբում այն հայտնվեց  Իտալիայում:

Եթե Ստամբուլում առաջին սրճարանը  բացվեց 1654  թվականին, ապա    անգլիայի   մայրաքաղաք  Լոնդոնում   արդեն 1652 թվականին  բացվել  էր  առաջին  սրճարանը: Շատ  հետաքրքիր  գովազդով   էր  ներկայանում սրճարանը: Այն  արտահայտում  էր  հետևյալ  միտքը. «Սուրճը  թարմացնում  է միտքն  ու  հոգին, սիրտն  ուրախությամբ  է լցնում …»  և այլն: Այս  գովազդը  այնպես  էր հրապուրել անգլիացիներին, որ  արդեն  1693թ-ին  մառախլապատ  երկրամասում  գործում  էր  3000  սրճարան: Մյուս    երկրների  ժողովուրդները  այս  ըմպելիքի  հանդեպ  նույնպես  անտարբեր  չմնացին: 1672թ-ին  Փարիզում  Սեն-Ժերմենի  հրապարակում  գործող  ժամանցի  վայրերից  մեկում նույնպես  սկսեցին  պատրաստել  սուրճ օշարակից: Արդեն  18-րդ  դարում  սուրճ  սկսեցին   օգտագործել  Ամերիկա  մայրացամաքի  երկրներում: Ռուսաստանում  սուրճ  սկսեցին  օգտագործել 1665  թվականին:                                                      
           
Աշխարհում  ամեն  օր  վաճառող  սուրճի  գումարը  կազմում է 2  մլրդ.դոլար: Հիմնականում   սուրճը որպես մշակաբույս, աճեցնում   են  Բրազիլիայում և Հարավային  Ամերիկայի մյուս  երկրներում:  Բրազիլիայում  սուրճի  պլանտացիաները  զբաղեցնում են  մշակավոր  հողատարածքի  90  % - ը:                                  

Շուրջ  30  տեսակի  սուրճ  գոյություն  ունի, բայց  այս 30  տեսակներն  էլ  իրենց   հերթին  առաջացել  են  սուրճի  4  հիմնական  տեսակներից,  որոնք են  Արաբիկան, Ռոբուստան, Լիբերիկան, Էկսցելեսիան:      

                 
Արաբիկան  ունի  հարթ  և  պինդ  պտուղներ, որոնք  պարունակում  են  շատ  կոֆեին:
Ռոբուստա   տեսակն  ավելի  շատ  օգտագործում  են  լուծվող  սուրճի  արտադրության  մեջ:
Եմենական  սուրճի  տեսականու  մեջ  լավագույնը  իր  համով  և  բույրով  համարվում է Մոկկո  սուրճը, որը  գինու  նուրբ  բույր  ունի:  

Բրազիլիայում  լավագույն  սուրճի  տեսակներից  են Բուրբոնը, Պարանան,  Սանթուրը,  Ռիոն:

Ամերիկայի  լավագույն  սուրճերի  թվին  են  պատկանում   Բոլիվականը, Գվատեմալան  և  Մեքսիկականը:
Հնդկաստանում  լավագույն  սուրճ  են  համարվում  Մայսուր, Մադրաս,  Պլանշտեյն  տեսակները:

Սուրճ  պատրաստելու  տարբեր  եղանակներ  կան,  որոնք  միևնույն   նպատակն  են  հետապնդում՝  հնարավորինս  համեղ  սուրճ  պատրաստել, որպեսզի  բոլորը  գոհ  լինեն:                                                                                                                                         
Ամենահարմար  տարբերակն   այն է, որ  սուրճի  վրա  լցնել  տաք  ջուր  և  թողնեք   որոշ  ժամանակ :  Ապա  սուրճը  պետք է տեղադրել   թույլ  կրակի  վրա,  հասցնել  եռման 7g  աստիճանի, բայց  չեռացնել: Հանել  կրակի  վրայից,  5-10  րոպե  թողնել,  որպեսզի  սուրճը  հանգստանա , ապա  լցնել  գավաթների   մեջ:   
                                        
Կարևոր   նախապայման   է  սուրճի    սեղանի  պատրաստումը:  

Սկզբում   հարկավոր  է  սեղանին  փռել  վառ  գունավոր  կամ  սպիտակ  ասեղնագործ  սփռոց՝  անձեռոցիկներով:  Ափսեների  տակ դնել  անձեռոցիկ:  Սուրճի սպասքի  մեջ  մտնում  են  քաղցրեղենի  համար  նախատեսվող  ափսեն,  սուրճի  գավաթն  իր  ափսեով:  Տեղադրել    քաղցրեղենի  ափսեն, իսկ  սուրճի  գավաթն   իր  ափսեով դնել  աջ  կողմում:  
Թեյի  գդալը  տեղադրել  ափսեի  վրա`   աջ  կողմից:   Սեղանին  պետք է  դրվի  շաքարամանը:

Սուրճի  մեջ  կարելի  է  կաթ և  սերուցք  ավելացնել: Այս  դեպքում    ևս  հարկավոր  է  սեղանին  դնել  այն  պնակները, որոնց  մեջ   լցված է  կաթը  կամ  սերուցքը: Եթե  սուրճի  հետ  հյուրասիրում  ենք  մրգեր, կոնֆետներ,  ապա  նախ  դրեք  դրանք  սեղանին,  այնուհետև  մատուցեք  սուրճը:  Սուրճը  կարելի է  մատուցել  ինչպես  սովորական  ապակյա  գավաթներով, այնպես  էլ  հախճապակյա  գավաթներով:  Սուրճի    հետ  հարմար  է  մատուցել   քաղցր  կարկանդակներ, թխվածքներ  և այլ  քաղցրեղեններ:

Նմանատիպ նյութեր

• Աշխարհի սեքս-թանգարանները
• Երբվանի՞ց է ծագել քերականությունը
• Հայկական լեռնաշխարհ
• Պաղպաղակ «Տիրամիսու»
• Հետաքրքիր փաստեր երազների մասին

Նոր նյութեր

Միացեք մեզ YouTube-ում... 80հզ.+ բաժանորդ