Կան վազքի տարբեր եղանակներ՝ դադարներով վազք, արագ քայլք, մարաթոնյան վազք:
Դադարային մեթոդը շատ հարմար է, երբ նոր եք սկսում վազել: Վազեք մի հատված մինչև հոգնելը, քայլելով հանգստացեք ու նորից վազեք: Եվ այդպես շարունակ՝ աստիճանաբար մեծացնելով վազքի տևողությունը: Հսկեք ծեր ինքնազգացողությունը, զարկերակի հաճախականությունը. չպետք է անցնեք մեկ րոպեում 140:160 զարկից, եթե անցնում է, ուրեմն հարկավոր է պակասեցնել ծանրաբեռն-վածությունը: Հանգիստ վիճակում զարկերակի նորման 60-80 զարկ է:
Եթե պարբերաբար, համաչափ մարզումներով հասել եք այնպիսի մակարդակի, որ վազքի ժամանակ ի վիճակի եք առանց որևէ լարման ավելացնել արագությունը, նշանակում է՝ հասել եք սիրտ-անոթային համակարգի աշխատանքի որակական նշանակալի բարելավման:
Մարաթոնյան վազքի սիրահարները պնդում են, որ վազքից գերագույն հաճույք և օգուտ կարելի է ստանալ 15-20 կմ տարածություն անցնելու դեպքում միայն: Ամենակարևորը սկսեք թեկուզ տեղում վազելով, պահպանեք չափավորությունը և ինքներդ որոշել վազքի ձեր չափը:
ճիշտ ապրելակերպով և սննդառությամբ համակցված վազքը կտա առավելագույն արդյունք: Իսկ եթե վազքի (կամ մեկ այլ մարզանքի) պատճառով մեծ ծանրաբեռնվածությամբ գործող օրգանիզմը չի ստանում առողջ սնունդ, այն արագացված տեմպերով գլորվում է հյուծման և հիվանդությունների գիրկը: Հենց սա է պատճառը, որ մարզիկների շրջանում երկարակյացներ համարյա չկան:
Վազքի բուժական ազդեցությունը կասկածից վեր է: Գրված են բազմաթիվ գրքեր, վազքն ավելի հեղինակավոր մարզաձև է դարձել: Ուղղակի պետք է ընտրել մաքուր օդով վազքուղի և վազել: Վազել ինֆարկտից հեռու, ինչպես ասում են կատակով:
Ֆիզիկական ծանրաբեռնվածությունը մարզում է ոչ միայն մկանները, անոթները, այլև բարերար ազդեցություն է թողնում նաև նյարդային համակարգի վրա, որից առաջին հերթին կախված է մարդու առողջությունը:
Կայքն իր գործունեությունը տեղափոխել է «Ժամանց և Տեղեկատվություն» YouTube-յան ալիք: Շուտով դուք կվերահասցեավորվեք մեր erkusov.com ֆեյսբուքյան էջ: Միացեք 125հզ.+ բաժանորդներին: