Կալիումի պարունակությունը ծիրանի չրում ավելի շատ է, քան թարմ մրգում: Տարբեր չրերի մեջ կալիումի ամենաբարձր քանակությունը հենց ծիրանի չրում է, երկրորդ տեղում չամիչն է, երրորդում` խնձորի չիրը:

Կալիումը հանքանյութ է, որն անհրաժեշտ է սրտամկանի և նյարդաբջիջների նորմալ գործունեության համար: Ծիրանն օգտակար է փորկապության դեպքում, քանի որ պարունակում է մեծ քանակով պեկտիններ, իսկ դրանք մասնակցում են նյութափոխանակության գործընթացին, վերացնում փորկապությունն ու առհասարակ նպաստում ստամոքսաղիքային համակարգի նորմալ գործունեությանը:
Ծիրանը նպաստում է խոլեստերինի մակարդակի իջեցմանը` արգելակելով խոլեստերինի ներթափանցումն արյուն:
 
Ծիրանի հայկական տեսակներում մեծ քանակությամբ յոդ կա: Ծիրանը շատ քաղցր միրգ է, ըստ այդմ՝ սախարոզ է պարունակում: Այս մասին պետք է հիշեն հատկապես այն մարդիկ, ովքեր տառապում են շաքարախտով, և նրանք, ովքեր հետևում են իրենց քաշին:
 
Ծիրանի կորիզն իհարկե  շատ համեղ է, բայց խորհուրդ չի տրվում այն օգտագործել, քանի որ պարունակում է HCN (ցիանջրածնական թթու), որը թունավոր նյութ է և թեթևակի դառնություն է հաղորդում:
 
Ծիրանի հյութը նույնպես  ունի օգտակար հատկություններ, մասնավորապես՝ օգնում է ստամոքսահյութի բարձր թթվայնության հետևանքով առաջացած այրոցների դեպքում:

Նմանատիպ նյութեր

• Մթերքներ, որոնք օգնում են պահպանել երիտասարդությունը
• Ավելի լավ է չիր ուտել, քան հյութեր խմել
• 5 ամենաառողջարար մթերքները
• Մոլորություններ սննդամթերքի մասին
• Հաճախ կերեք սև շոկոլադ

Նոր նյութեր

Միացեք մեզ YouTube-ում... 80հզ.+ բաժանորդ