05:04 Ինչպիսի՞ նախաճաշից պետք է խուսափել | |||
Նրանք, ովքեր չեն նախաճաշում, ողջամիտ չեն վարվում, քանի որ դա ուղիղ ճանապարհ է դեպի լրացուցիչ կիլոգրամներն ու վատ ինքնազգացողությունը: Սակայն սխալվում են նաև նրանք, ովքեր սիրում են «տեղը տեղին» նախաճաշել, քանի որ կան մի շարք ուտեստներ, որոնք հակացուցված են նախաճաշի համար: Այսպիսով, ինչ խորհուրդ չի տրվում ուտել նախաճաշին.
Թխվածքներ, տորթեր, կրուասան Դասական ֆրանսիական նախաճաշը` սուրճ և կրուասաններ, իրականում վնասակար է թե՛ կազմվածքի, թե՛ առողջության համար: Թխվածքների սիրահարաներին խորհուրդ է տրվում դիետիկ խմորեղեն պատրաստել. կարելի է ձուն, կաթնաշոռը և մեղրը հարել բլենդերում, հետո` եփել ջեռոցում: Կրեմը կարելի է պատրաստել յոգուրտից, կակաոից և մեղրից: Քաղցրավենք, կոնֆետներ, շոկոլադ Դա նույնիսկ դժվար է նախաճաշ անվանել: Այդպիսի «նախաճաշը» կարող է վնասակար լինել ինչպես աղեստամոքսային տրակտի, այնպես էլ նյութափոխանակության համար: Այս դեպքում դիետոլոգները քաղցրի սիրահարներին խորհուրդ են տալիս օգտագործել կաթնաշոռ և մեղր: Իսկ եթե անհնար է առանց քաղցրավենիքի, ապա կարելի է նախաճաշից հետո օգտագործել մի կտոր զեֆիր կամ մարմելադ: Եգիպտացորենի փաթիլներ` կաթով Մարքեթոլոգները սա անվանում են օգտակար նախաշաճ, բայց դիետոլոգները կարծում են, որ դա ընդամենը գովազդային հնարք է: Նման սնունդը մեծ քանակությամբ շաքար և համային հավելումներ է պարունակում: Այդպիսի նախաճաշի հաճախակի օգտագործումը կարող է ստամոքսի խանգարումներ առաջացնել: Դիետոլոգները խորհուրդ են տալիս եգիպտացորենի փոխարեն առանց հավելանյութերի վարսակ օգտագործել: Կարելի է երեկոյան վարսակի վրա կաթ, կաթնաշոռ, կակաո և մեղր ավելացնել: Առավոտյան համեղ նախաշաճը պատրաստ է: Եփելու անհրաժեշտություն չունեցող շիլաներ Եփելու անհրաժշտություն չունեցող ձավարեղենում օգտակար տարրեր կան, սակայն դրանք, որպես կանոն, շաքար և մեծ քանակությամբ քիմիական հավելանյութեր են պարունակում: Խորհուրդ է տրվում ընտրել առանց հավելանյութերի վարսակ և եփել մի քանի րոպե: Ձվածեղ` բեկոնով Թվում է լավ նախաճաշ նախընտրողների համար լավ տարբերակ է, սակայն դա կարող է ոչ միայն ավելացնել կիլոգրամները, այլև մարսողության խնդիրներ առաջացնել: Դրա փոխարեն խորհուրդ է տրվում նախապատվությունը տալ հավի մսով և մանրացրած պանրով օմլետին: Երշիկով բուտերբրոդներ Ժամանակակից երշիկների մեջ մսի պարունակությունը շատ քիչ է, փոխարենը ավելի շատ են տարբեր հավելանյութերը, իսկ սպիտակ հացը գրեթե նույն թխվածքի նշանակությունն ունի: Դիետոլոգները խորհուրդ են տալիս երշիկի փոխարեն օգտագործել կիսաապխտած կամ խաշած թռնչամիս, իսկ սպիտակ բատոնը փոխարինել տարեկանի հացով,- հաղորդում է Lady.mail.ru-ն:
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |