11:14 Գեղեցկության գաղտնիքներ. Կորյակներ | |||
Առասպել և իրականություն  Առասպել N1. «Կորյակները հատուկ են միայն դեռահասներին»:Ավա՜ղ, ակնե անվամբ հիվանդությունը հանդիպում է և 30-ից հետո: Պատճառները շատ են` էնդոկրին և սեռական գեղձերի աշխատանքի խանգարումներ, որոշ դեղերի ընդունում, խթանիչներ, ալկոհոլ, անորակ կոսմետիկա: Առասպել N2: «Սեքսով մշտապես զբաղվելը «բուժում է» կորյակները»: Տարածված արտահայտություն է`«Ամուսնանաս` կանցնի»: Լավատեսորեն է հնչում, բայց իրականությանը չի համապատասխանում: Առասպել N3: «Մեխանիկական մաքրումը «դաժան» գործողություն է, և դրանից հետո կորյակները շատանում են»: Մեխանիկական մաքրումը լավացնում է մաշկի վիճակը, բայց պրոբլեմը չի լուծվում: Կորյակներից ազատվելու համար մաքրմանը զուգընթաց համալիր բուժում պետք է անցնել: Չնայած պետք է զգուշանալ անփորձ կոսմետոլոգի ձեռքերում հայտնվելուց: Առասպել N4: «Կորյակները կեղտոտ ձեռքերի արդյունք են, իսկ սև կետիկները` մաշկի կեղտոտվածության արդյունք: Պետք է լվացվել ժամը մեկ»: Ճիշտ է, առանց մաքրման հնարավոր չէ, բայց ոչ այդքան հաճախ. օրական 2 անգամը բավարար է: Եթե դեմքը ավելի հաճախ մաքրելու անհրաժեշտություն է առաջանում, կարելի է թաց անեռոցիկ օգտագործել: Առասպել N5: «Կորյակների դեպքում չի կարելի դեկորատիվ կոսմետիկա օգտագործել»: Կոսմետիկան չի վատացնի մաշկի վիճակը: Ավելին, գոյություն ունեն այնպիսի քսուքներ, որոնք քողարկում են մաշկի պրոբլեմները: Սրանք ոչ միայն չեն խորացնում հիվնդությունը, այլև օգնում է ազատվել դրանից: Առասպել N6: «Ակնե հիվանդությունը կարելի է բուժել արևով»: Սա ամենատարածված առասպելն է: Բանն այն է, որ ուլտրամանուշակագույն ճառագայթները օգնում են ախտահանել և մի քիչ քչացնում են կորյակները: Արևայրուքի շնորհիվ կորյակները արտահայտիչ չեն երևում, բայց չեն անհետանում: Հիշե՛ք, որ արևայրուքը չարաշահելը իջեցնում է մաշկի դիմադրողականությունը , որից սրվում է վիճակը: Առասպել N7: «Լավ բժիշկը ձեզ կազատի կորյակներից մեկ շաբաթում»: Նույնիսկ բարձրակարգ մասնագետին 3 ամիս ժամանակ է պետք: Բուժումից հետո էլ որոշ կանոնների պետք է հետևել` անհրաժեշտ պրոֆիլակտիկա ապահովելու համար: Առասպել N8: «Կարելի է բուժվել դիետայով»: Իհարկե, առողջ սնունդը օգտակար է մաշկի համար: Ափսոս, որ միայն դիետայով հնարավոր չէ ցանկալի արդյունքի հասնել: Հիշե’ք, որ քաղցրը և կծուն սրում են վիճակը: Եթե ցանկանում եք ազատվել կորյակներից, առողջ ու մաքուր մաշկ ունենալ, պետք է դիմեք  մասնագետի: Կլինիկաները հիմնականում առաջարկում են բուժման հետևյալ մեթոդները:Օզոնային բուժում Թթվածնաօզոնային խառնուրդը հալեցնում է ենթամաշկայիմ ճարպը և լավացնում է արյան շրջանառությունը: Որոշ դեպքերում այս պրոցեդուրան ուղեկցվում է էլեկտրակոագուլյացիայով: Հենց առաջին պրոցեդուրայից հետո պզուկները փափկում են և ավելի աննկատ դառնում: Բուժման կուրսը 5-6 պրոցեդուրա է ներառում` 5 օրը մեկ անգամ հաճախականությամբ: Սառցաբուժում Կրիոթերապիան հեղուկ ազոտով բավական մատչելի է և արդյունավետ: Հատուկ ապլիկացիան թրջում են հեղուկ ազոտով և դանդաղ քսում մաշկին: Շատ սառն է և այրում է, բայց պետք է դիմանալ: 3-4 ժամից մաշկի վրա այրվածք է առաջանում, որը մնում է 1օր, հետո աստիճանաբար մաշկի գույնը մգանում է: Մեկ շաբաթ անց էպիդերմիսի վնասված շերտը պոկվում է, նրա հետ միասին` պզուկները: Սեանսներն անցկացվում են շաբաթը 2 անգամ: Կուրսը` 10-15 անգամ: Թթվաբուժում Թթվաբուժության և սառցաբուժության արդյունքները նման են: Լազերային բուժում Լազերային ճառագայթը ազդում է ամենատարբեր աստիճանի կորյակների վրա: Լազերային ճառագայթը հակաբորբոքային ազդեցություն ունի, կարգավորում է մաշկի ճարպային բալանսը, կանխարգելում է սպիների առաջացումը: Էական բարելավում զգացվում է արդեն 2 սեանսից հետո: Հոսանքով բուժում Դարսոնվալիզացիայի մեթոդը շտկում է ճարպագեղձերի աշխատանքը, ունի արտահայտված հակամիկրոբային ազդեցություն: Վակուումային կամ ապակե էլեկտրոդների միջոցով հաղորդվում է բարձր հաճախականության հոսանք, որն էլ բուժում է: Ակնե հիվանդության բուժման համար նշանակվում է դարսոնվալիզացիայի 10-15 սեանս: Լույսի ուժով Ֆոտոթերապիան թրթռացող լույսի ազդեցությունն է օգտագործում:Թափանցելով մաշկի ներքին շերտեր` քայքայում է բակտերիաների կուտակումները և միաժամանակ լավացնում է մաշկի արյան շրջանառությունը: Բուժման արդյունքը երևում է 1-2 շաբաթից: Մեկ պրոցեդուրան տևում է 15 րոպե: Բուժման կուրսից հետո ակնեն բուժվում է 90 տոկոսով: Բուժման կուրսը 8-15 պրոցեդուրա է կազմում և տևում է 4 շաբաթ: Տնային բաղադրատոմսեր եթե մաշկը բարձիթողի վիճակում չէ Կեչու փշրած կեղևը խառնե’ք եռացրած սառը ջրին 1:5 հարաբերությամբ: Թրմե’ք 8 ժամ և քամե’ք: Ստացված թուրմով մաշկը շփե’ք ամեն օր: Կաղնու 2 թեյի գդալ կեղևը 5 րոպե եռացրե’ք կես լիտր ջրում: Հովացրե’ք, քամե’ք, ավելացրե’ք կես թուրինջի հյութ: Այս լոսիոնով օրական 2 անգամ մաքրե’ք ձեր դեմքը: Խորհուրդ. Եռակի հարված Մաշկը բուժելիս արդյունքը ավելի լավ կլինի, եթե համատեղեք կոսմետիկական պրոցեդուրաները, հատուկ միջոցները և բջջանյութով հարուստ դիետան: Եթե 25-ն անց եք և դեռ տառապում եք մաշկային պրոբլեմներից, անպայման դիմե’ք թերապևտի օգնությանը: Մաշկը օրգանիզմի հայելին է, և մաշկի վիճակը մատնանշում է օրգանիզմի ներքին խնդիրները: Չդիմեք ինքնաբուժության: Եվ հիշե՛ք, որ կոսմետոլոգը բուժման վերջակետը միայն պետք է դնի:  Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| | ||