00:49 Ատամի ի՞նչ մածուկ ընտրել | |||
 Ժամանակակից մածուկները ոչ միայն ատամները մաքրող, այլև դրանց և լնդերի մի շարք հիվանդությունները կանխող, ինչպես նաև բուժող հատկություն ունեն:Ատամի մածուկի ճիշտ ընտրությունը շատ կարևոր է ատամների և լնդերի առողջության համար: Նրանք, ովքեր բողոքում են արծնափուտից (կարիես), պետք է օգտվեն ֆտորով հարուստ մածուկներից: Պարոդոնթոզի դեպքում խորհուրդ են տրվում տարբեր միկրոտարրեր և աղեր պարունակող մածուկները: Ամենատարբեր դեղաբույսերի և խոտաբույսերի լուծույթներ պարունակող մածուկները նախատեսված են լնդերի բորբոքումները բուժելու համար: Սպիտակեցնող մածուկները նրանց համար են, որոնց ատամները դեղնավուն երանգ են ձեռք բերում: Դրանց թվում կան նաև ծխախոտից, թեյից և սուրճից դեղնող ատամների բնական գույնը վերականգնող մածուկներ: Եթե ձեր ատամները ցավում են տաք և սառը կերակուրներից, քաղցրից և թթվից սրսռում են, պետք է օգտվել զգայուն ատամների համար նախատեսված մածուկներից: Երեխաների համար առանձին մածուկներ են վաճառվում: Ի դեպ, ցանկալի է, որ ատամի մածուկները գնեք դեղատներից: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| | ||