08:53 Ամենանուրբն ու խոցելին. պարանոցի խնամքի մասին | |||
Փոքրիկ խորամանկություններ Թերևս յուրաքանչյուր կին երազում է կատարյալ արտաքին, բարեկազմ ու սլացիկ մարմին ունենալու մասին: Բայց, ավա՜ղ, ոչ բոլորը կարող են պարծենալ այդ ամենով: Սակայն դա նաև չի նշանակում, որ պետք է տխրել, եթե ինչ-որ բան այնքան էլ ձեր սրտով չէ: Չէ՞ որ գոյություն ունի հագուստ կոչվածը, որն օգնում է թաքցնել այս կամ այն թերությունը: Հասկանալի է, որ դուք ցանկանում եք անվերապահորեն հետևել նորաձևությանը, բայց մի՛ շտապեք և մինչև որևէ հագուստ գնելը, հայելու առջև մենակ մնալով՝ փորձեք հնարավորինս ինքնաքննադատաբար դիտել ձեզ և համարձակություն ունենալ խոստովանելու, որ կան բաներ, որոնք պետք է քողարկել: Ինչպիսի՞ն է ձեր պարանոցը Դուք Նեֆերտիտիի ժառանգորդուհին չե՞ք: Այլ կերպ ասած, ձեզ բաժին է հասել կարճ և հաստլիկ պարանո՞ց: Այդ դեպքում ձեզ հակացուցված են կարճ վզնոցներն ու պարանոցը երիզող գլխաշորերը, մեծ, ինչպես նաև բարձր օձիքները, քանի որ դրանք ավելի կընդգծեն այն, ինչը պետք է քողարկել: Պարանոցի ձևից է կախված նաև հագուստի լանջաբացվածքի ընտրությունը: Տվյալ դեպքում ավելի ճիշտ են առանց օձիքի սուր բացվածքները կամ փոքր օձիքները: Կարճ սանրվածքը կամ վերևում հավաքած մազերը դիտողականորեն կերկարացնեն պարանոցը: Իսկ եթե ձեր պարանոցը երկար և բարակ է, այդ դեպքում առանց վարանելու կարող եք վիզն ագուցող գլխաշոր, փակ կամ բարձր օձիքներ կրել: Պարանոցի մաշկի խնամքը Պարանոցի մաշկը շատ նուրբ է, ենթամաշկային ճարպաշերտը՝ չափազանց բարակ, ինչի պատճառով այն բավականաչափ սնունդ չի ստանում և ավելի արագ է ծերանում: Այդ պատճառով պարանոցը կնոջ մարմնի ամենախոցելի հատվածն է: Դիմահարդարներն ասում են, որ երբ դեմքի վրա հայտնվում է առաջին կնճիռը, պարանոցին արդեն ցայտուն կերպով նկատվում են «տարիքային օղակները»: Կզակի հատվածում նույնպես մաշկը չափազանց բարակ է, նուրբ և չոր: Այստեղ ամենից շուտ են առաջանում ճարպային կուտակումները, և տարիքի հետ դեմքի օվալը ձևափոխվում է: Պարանոցի մաշկի վրա ծալքերի և կնճիռների, ինչպես նաև կրկնակզակի առաջացմանը նպաստում են հետևյալ սովորությունները`
Պարանոցի մաշկի խնամքի գլխավոր նախապայմանը մաքրությունն է: Պարանոցը պետք է ամեն օր մաքրել` լվանալով օճառով կամ օճառահեղուկներով: Կարելի է նաև օգտագործել խոտաբույսերի, օրինակ, երիցուկի, լորենու, անանուխի, կեչու բողբոջների, եղեսպակի թուրմեր: Այդ թուրմերից որևէ մեկի մեջ թրջած բամբակով զգուշորեն սրբեք պարանոցը: Կողքերից այն պետք է մաքրել վերից վար, իսկ կզակի տակ` ներքևից վերև: Կարելի է պատրաստել հետևյալ լոսյոնները.
Թրջոց մաշկն առաձգական դարձնելու համար Պարանոցը շփեք ցանկացած բուսական յուղով, այնուհետև մանր աղով մերսեք մաշկն այնքան, մինչև թեթևակի կարմրի: Մերսումը կատարեք անրակներից դեպի կզակ: Դրանից հետո պարանոցը փաթաթեք մեկը մեկի հարաբերությամբ տաք կաթի ու ջրի մեջ թրջած սրբիչով£ Թրջոցը պահեք հինգ րոպե: Այնուհետև պարանոցը պարզաջրեք սառը ջրով և կրեմ քսեք: Ինչպե՞ս կանխել կնճիռների առաջացումը Շաբաթը 2-3 անգամ աղաջրի մեջ թրջած թավոտ սրբիչով թմբկահարեք կզակի տակ: Սրբիչի ծայրերն այնպես բռնեք, որ մեջտեղի հատվածը կախված լինի: Կտրուկ ձգելով սրբիչը՝ մեջտեղի հատվածով թեթևակի հարվածեք: Պարանոցը լվացեք սառը ջրով: Դա խթանում է արյան շրջանառությունը: Դեկոլտե Ըստ դիմահարդարների, պարանոցից եթե ոչ ավելի, ապա հաստատ պակաս խոցելի չէ նաև դեկոլտեի հատվածը, որը մատնում է կնոջ տարիքը: Արևայրուկով շատ հրապուրվելու դեպքում այս հատվածի առանց այն էլ չոր մաշկն ավելի է չորանում, ժամանակից շուտ թոշնում և ծածկվում մանր կնճիռների ցանցով: Այդ կնճիռները հատկապես առավոտյան են առավել ցայտուն լինում, մանավանդ, եթե սիրում եք փորի վրա քնել£ Ի դեպ, դա կարող է արտահայտվել բավականին վաղ տարիքում, երբ դեռ դեմքի և մարմնի մաշկը երիտասարդ ու թարմ են: Հենց դեկոլտեի հատվածում է ամենից հաճախ ծագում ֆոտոալերգիա կոչվածը, որը ուլտրամանուշակագույն ճառագայթների ազդեցությամբ պայմանավորված մանր ցանն է£ Չնայած այն որոշ ժամանակից անցնում է, սակայն մաշկի վրայից ոչինչ անհետք չի վերանում: Ըստ վիճակագրության մաշկի հենց այս հատվածն է առավել շատ արևահարվում, այդ պատճառով էլ այստեղ երբեմն պիգմենտային բծեր են առաջանում: Սակայն կանանց մեծ մասը մանրակրկիտ հետևելով դեմքի մաշկի խնամքին, անուշադրության են մատնում դեկոլտեի հատվածը, այն դեպքում, երբ հատկապես այստեղ առավել մեծ խնամքի կարիք է զգացվում: Դեկոլտեի համար մեծ մասամբ կիրառվում են այն միջոցները, որոնք օգտագործվում են դեմքի մաշկի խնամքի համար: Օգտակար են կոլագեն, էլաստին, հանքանյութեր պարունակող դիմակները, ակտիվ «կոկտեյլները», որոնց բաղադրության մեջ կարող են պարունակվել կոֆեին, արտիշոկի էքստրակտ, ցինկ, ամինոֆիլին և այլ ակտիվ նյութեր: Այժմ շատ տարածված են ամենատարբեր մրգային դիմակները: Դրա համար պետք է մրգերը մանրացնել և խառնել սերուցքի կամ կաթի հետ: Առավել նկատելի արդյունք ստանալու համար խորհուրդ է տրվում դիմակով պատված մաշկը ծածկել պոլիէթիլենային թաղանթով և վրայից տաք գործվածքով: Դիմակների համար կարելի է օգտագործել ելակ, բանան, կոկոս, կիվի: Դրանք օգնում են վերականգնել մաշկի թարմությունը, առաձգականությունը և տոնուսը: Դրանք մաշկը հարստացնում են B վիտամինով, որը թարմացնում է բջիջները և C վիտամինով, որը նպաստում է կոլագենի սինթեզին: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |