09:59 Դիետաներին պետք է խելամտորեն հետևել. ոսկե կանոններ աղջիկների համար | |||
Այս դիետան ճիշտ կիրառելու դեպքում 15 օրում կհասնեք ցանկալի արդյունքների: Դիետայի սկզբունքը հետևյալն է՝ 5 օրում քաշ գցել, ապա 15 օր ամրապնդել արդյունքները: Դիետան ավելի շատ նախատեսված է նրանց համար, ովքեր արագ են քաղցում և ժամերի հարցում կարգապահ են,- փոխանցում է armladies.com-ը: 2 ժամը մեկ անգամ, 5 օր սնվել: Հետագա 10 օրերը պետք է սնվել սովորական, սակայն ցանկալի է կրճատել ալրային և քաղցր սննդատեսակները: Այս դիետան երկար է տևում, բայց թույլ է տալիս օրգանիզմին հարմարվել և սթրես չապրել: Առաջին 5 օրերի ընթացքում կարելի է կորցնել 3 և ավել կիլոգրամ, իսկ 10 օրվա ընթացքում պահպանել կորցրած քաշն ու դիետայից հետո «չհարձակվել» սեղանին: Մեկ օրվա օրինակելի ճաշացուցակը հետևյալն է՝ ժ.7:00-1 բաժակ թեյ կամ սուրճ ժ.9:00- 1 քերած գազար՝ համեմված կիտրոնի հյութով ժ.11:00-1 խնձոր (տանձ, կիվի ) ժ.13:00-100գ. Եփած միս կամ անյուղ ձուկ ժ.15:00-1 խաշած ձու ( կարելի է 100գ. Անյուղ պանիր կամ կաթնաշոռ) ժ.17:00 բանջարեղենային աղցան կաղամբով, բազուկով, գազարով ժ.19:00-տաս հատիկ չիր ( սև սալոր կամ ծիրան ), որոնք թրջել տաք ջրով ժ.21:00-1 բաժակ անյուղ մածուն: Դիետայի գրավականն այն է, որ հետևեք ժամին ու ճաշացանկին: Գրառումներ անելը նույնպես օգնում է ճիշտ կառավարել արդյունքները: Եթե քաղցի զգացողությունը չեք կարողանում հաղթահարել խնձոր կերեք կամ թուրինջ (գրեյփֆրութ): Այս դիետայից երկարաժամկետ օգտվել խորհուրդ չի տրվում: Կորցրած քաշը պահպանելն ավելի դժվար է Հատկապես կարճաժամկետ դիետաներից հետո մարդու մոտ ագահություն է առաջանում որքան հնարավոր է շատ սնվելու: Այս դեպքում պետք է աշխատել չշեղվել սննդակարգից շատ, այսինքն միանգամից յուղոտ կերակուրներ, հացաբուլկեղեն կամ քաղցրավենիքին անցնելիս բնական է, որ դուք կվերականգնեք ձեր քաշը: Հրաշագործ ջուրը Ջուրը մեծ նշանակություն ունի նիհարել ցանկացողների համար: Դիետաների ժամանակ չմոռանաք ամեն օր ջուր խմել 1.5-2լիտր: Նիհարելու դեպքում նյութափոխանակության պրոցեսներն ընթանում են մի փոքր այլ կերպ, ուստի թափոնները օրգանիզմից հեռացնելու համար պարտադիր պետք է խոնավություն: Ի դեպ, չի կարելի գազավորված հեղուկներ օգտագործել, քանի որ այդ ‹‹ չարաբաստիկ›› պղպղճակները ակտիվացնում են ստամոքսահյութի արտադրությունը և քաղցի զգացողությունն ուժեղանում է: Ինչպե՞ս զսպել ախորժակը Երեկոյան կարելի է շատ քիչ ուտել սիրելի բանջարեղենից կամ մրգից: Հեռուստացույցի կամ համակարգչի առջև առհասարակ չի կարելի սնվել, որովհետև այդ պրոցեսը մեխանիկորեն է ընթանում, և մարդը չի գիտակցում, որ սնվում է: Օրինակ քաղց զգալիս կարելի է սալորի չիրը դանդաղ վայելել և որոշ ժամանակ բերանում պահել կուտը: Որոշ մասնագետներ պնդում են, որ քաղց զգալիս կարելի է 20 անգամ ցատկել և այդ զգացողությունը կչքանա: Ոսկե կանոններ Հաճախ մարդիկ դառնում են իրենց ախորժակի գերին, բայց սնվելը ընդամենը սովորություն է, որը պետք է կառավարելի լինի: Եվ այսպես, բոլոր ժամանակներում գործել է 3 ոսկե կանոն, որոնք պետք է ոչ միայն հիշել, այլև դրանց հետևել:
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |