09:04 Պանիրը երկարացնում է կյանքը | |||
Մարդիկ դեռ հնագույն ժամանակներից գիտեին և գնահատում էին պանրի դիետիկ և բուժական հատկությունները: Պանրի մասին հիշատակվում է նույնիսկ Աստվածաշնչում, և պատահական չէ, որ պանիրը և կանաչին կովկասյան երկարակյացների հիմնական սնունդն են:  Դիետոլոգները խորհուրդ են տալիս Չկա պանրի նման սննդարար, դյուրամարս, բազմատեսակ և համեղ այլ մթերք: Այն ավելի շատ սպիտակուց է պարունակում, քան միսը: Պանիրը կալցիումի, ֆոսֆորի և կաթնային վիտամինների հարուստ աղբյուր է, պարունակում է նաև մեծ քանակությամբ կաթնային ճարպ, որի շնորհիվ շատ սննդարար է: Կաթնային ճարպը շատ թեթև, արագ և գրեթե ամբողջությամբ յուրացվում է օրգանիզմի կողմից և վերածվում կենսաէներգիայի: Հենց այդ պատճառով էլ բժիշկները խորհուրդ են տալիս պանիր ուտել թուլացած դիմադրողականություն աւնեցող և մեծ էներգիա ծախսող մարդկանց: Եվ, վերջապես, պանիրը լիցիտին է պարունակում, որը շատ կարևոր է մարսողության և ճիշտ նյութափոխանակության համար: Նիհարենք... ճարպերի օգնությամբ Չնայած պանիրը մեծ քանակությամբ ճարպեր է պարունակում, բայց նրանից չեն գիրանում: Դրանք յուրահատուկ ճարպեր են. լրացնում են անփոխարինելի ճարպաթթուների պակասը մեր օրգանիզմում: Այդ թանկարժեք նյութերը ոչ միայն փոքրացնում են սրտանոթային հիվանդություններով, քաղցկեղով կամ շաքարախտով հիվանդանալու հավանականությունը, այլև օգնում են նիհարել: Մարսելու ընթացքում կաթնային ճարպերը այրում են ոչ թե ածխաջրեր կամ սպիտակուցներ, այլ` ճարպեր: Ամերիկացի դիետոլոգները խորհուրդ են տալիս ավելի ուժեղ և դիմացկուն լինելու, մկանային մասսան մեծացնելու և միաժամանակ ենթամաշկային ճարպի շերտը նվազեցնելու համար սննդակարգի մեջ ներառել բրինզա, բորբոսով, պարեմզան կամ այծի պանիր: Համով «դեղ» Պանիրը պարունակում է մեծ քանակությամբ կալցիում, որը շատ կարևոր է հղի կանանց, երեխաների համար, 50-ն անց մարդկանց, ում օրգանիզմում կալցիումի պակասից ոսկրային հիվանդություններ են սկսվել: Պանիրն օգտակար է կոտրվածքների դեպքում, և քանի որ ամրացնում է մկանային հյուսվածքները, խորհուրդ է տրվում ճողվածքների, տարբեր օրգանների իջվածքների, երակների լայնացման դեպքում:  Սննդային ալերգիաներից տառապողների համար պանիրը փրկություն է, որովհետև պարունակում է բոլոր անհրաժեշտ նյութերը և միաժամանակ հակացուցումներ չունի: Միայն թե պետք է խուսափել պանրի այն տեսակներից, որոնք պարունակում են կծու համ տվող ֆերմենտ: Ցածր ճնշում ունեցողներին խորհուրդ են տալիս սուրճի հետ պանիր ուտել: Տնական պանիր Դասական պանիրներ ստանալու համար, իհարկե, հատուկ տեխնոլոգիա է պետք, պահոցներ, ամիսներ` հասունանալու համար: Բարեբախտաբար գոյություն ունի տնական պանիրը, որը մեզանից յուրաքանչյուրն էլ կարող է տանը պատրաստել: Այն շատ ավելի օգտակար է, քանի որ ոչ մի հավելանյութ չի պարունակում: Հնդկաստանում, օրինակ, գերադասում են հենց այդ տեսակը: Այուրվեդան պանիրը համարում է բժշկական ունիվերսալ/ հանրամատչելի միջոց և օգտագործվում է բազմաթիվ հիվանդություններ բժշկելիս: Հնդիկները պանիրը սիրով օգտագործում են նաև բանջարեղենային ապուրների մեջ, տապակում են, նրանից քաղցրավենիք են պատրաստում: Ամենահեշտ պատրաստվող պանիրը Տաք կաթին մի քիչ մածուն կամ կիտրոնի հյութ ավելացնել, կաթը կկտրվի: Շիճուկը թափել, կաթնաշոռը լցնել թանզիֆե տոպրակի մեջ, թողնել, որ լավ քամվի: Դնել երկու փայտերի արանքը: Երբ պնդանա, երկու կողմից աղ անել, թողնել 2 օր, երբեմն շուռումուռ տալ: Տնական չեդդեր Թարմ կաթը մի քանի ժամ եփել մեղմ կրակի վրա, մինչև վարդագունի: Հովացնել և թողնել տաք սենյակում, մինչև թանձրանա: Վրան լցնել թարմ թթվասեր և խառնել /15լ կաթին` 400գ/, թողնել տաք սենյակում կամ ջեռոցի մոտ, մինչև շիճուկ առաջանա: Հովացնել, քամել թանզիֆե տոպրակով և դնել անձեռոցիկի վրա: Ձևավորել, դնել ծանրության տակ, թողնել 1 օր, բոլոր կողմերից աղ ցանել վրան: Դնել փայտե տակդիրի վրա: Թողնել 2-4 շաբաթ` հասունանալու համար. ժամանակ առ ժամանակ շրջել:  Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| | ||