Ձմռան ցուրտ պարզ օրերը բազմաթիվ մարդկանց պարգևում են ոչ միայն այտերի վարդագույն փայլ, այլ նաև տհաճ չորություն դեմքի, ձեռքերի և ոտքերի մաշկին: Որոշ մարդկանց համար, խնդիրն ավելի մեծ է, քան ձիգ, չոր զգացողությունը.  նրանց մաշկն այնքան է չորանում, որ արդյունքում վերածվում է թեփի, ճաքերի և նույնիսկ էքզեմայի (որի դեպքում մաշկը բորբոքվում է):

«Երբ Դուք միացնում եք տան տաքացնող սարքերը, մաշկը սկսում է չորանալ», - Վեբ ՄԴ-ին պատմում է Բոննի ԼաՊլանտը` էսթետիկայի մասնագետ Կանյոն Ռանչ հանգստավայրում: «Կապ չունի, թե ինչ միջոցով եք տաքացնում ձեր բնակարանը` յուղով, փայտով, թե էլեկտրականությամբ, մաշկը, միևնույն է, չորանում է»:

Ծանո՞թ եք այս խնդրին: Շարունակեք կարդալ և հետևեք ՎեբՄԴ-ի թոփ 10 խորհուրդներին, թե ինչպես բարելավել մաշկի խնամքը ձմռան ամիսներին և այն պահել խոնավ ու առողջ:  

1. Գտնել Մասնագետ

Տեղական դեղատներում դուք դժվար է լավ խորհուրդ ստանաք: Այդ իսկ պատճառով էսթետիկ մասնագետի կամ մաշկաբանի դիմելը լավ ներդրում է համարվում: Մասնագետը կարող է վերլուծել ձեր մաշկի տեսակը, գտնել մաշկի խնդիրներն ու առաջարկել դրանք լուծելու խնամքի միջոցներն ու ապրանքատեսակները:
Սակայն սա չի նշանակում, որ պետք է գնեք թանկարժեք ապրանքատեսակներ: «Մատչելի ապրանքատեսակները նույնքան լավ են գործում, որքան թանկերը», - ասում է Դեյվիդ Վորոնը` մաշկաբան Արկադիայից, Կալիֆ: «Փաստորեն, հավելյալ գինը, որ վճարվում է թանկարժեք ապրանքատեսակների համար, հաճախ փաթեթավորման կամ մարկետինգային գինն է»: Առավել կարևոր է ոչ թե այն, թե որքան գումար եք վճարել այդ ապրանքատեսակի համար, այլ այն, որ ձեր մաշկն ընդունի տվյալ ապրանքատեսակը»:

2. Խոնավացում

Միգուցե, դուք գտել եք խոնավացնող միջոց գարնան կամ ամռան համար: Սակայն, երբ եղանակային պայմանները փոփոխվում են, պետք է փոփոխվի նաև մաշկի խնամքը: Գտեք յուղային, այլ ոչ թե ջրային հիմքով որևէ «քսուք» խոնավացնող միջոց, քանի որ յուղն առավել լավ է  պաշտպանիչ շերտ ստեղծում մաշկի վրա և պահպանում խոնավությունը, քան քսուքը կամ լոսյոնը: 

Այնուամենայնիվ, խնամքով ընտրեք յուղը, քանի որ ոչ բոլոր յուղերն են հարմար դեմքի համար: Փնտրեք չխցանող յուղեր, ինչպես օրինակ ավոկադոյի յուղ, հանքանյութային յուղ, գարնանածաղկի յուղ կամ նուշի յուղ: Շի յուղը կամ կարագը, ընդհակառակը, կարող է խցանել դեմքի ծակոտիները:  Իսկ բանջարեղենը,-ասում է ԼաՊլանտը, իրապես վատ միտք է: «Այն միայն կմնա մաշկի մակերեսին»,-ասում է նա և «Եվ իսկապես ճարպոտ կլինի»:

Կարող եք նաև գտնել լոսյոններ, որոնք պարունակում են «խոնավացնող նյութեր», ինչպես օրինակ այնպիսի նյութեր (գլիցերին, սորբիտոլ և հիդրոքսի թթուներ), որոնք խոնավություն են հաղորդում ձեր մաշկին:

3. Արևապաշտպան միջոցներ

Ո՛չ, արևապաշտպանները միայն ամառվա համար չեն: Ձմռան արևը` համակցված ձյան փայլի հետ, կարող է իրապես վնասել մաշկին:  Փորձեք կիրառել լայն ազդեցության արևապաշտպան միջոց ձեր դեմքի և ձեռքերի համար դուս գալուց 30 րոպե առաջ:  Հաճախ կրկնել երկար ժամանակ դրսում գտնվելիս: 

4. Ձեռք մեկնեք ձեր ձեռքերին

Ձեր ձեռքերի մաշկն ավելի բարակ է, քան մարմնի այլ մասերինը և առավել պակաս յուղային է: Սա նշանակում է, որ դժվար է ձեռքերը խոնավ պահել, հատկապես ցուրտ, չոր եղանակին:  Սա կարող է բերել քորի և ճաքճքման: Դրսում կրեք ձեռնոցներ. եթե տաքության համար անհրաժեշտ է կրել բրդյա ձեռնոցներ, ապա հագեք բամբակյա, այնուհետև բրդյա ձեռնոցներ` բրդից բորբոքվելու հավանականությունը կրճատելու համար:

Եթե հետևեք այս խորհուրդներին, ձեր մաշկը կլինի խնամված անգամ ամենաանհրապույր եղանակին:

Կարդալ ավելին սկզբնաղբյուր կայքում:

Նմանատիպ նյութեր

• Ինչպե՞ս ավելի ձիգ դարձնել մաշկը
• Ապրելակերպդ ու մաշկիդ որակը փոխկապակցված են
• Հրաշագործ և մատչելի միջոց մաշկի խնդրահարույց հատվածների համար
• Մաշկի ձեր տեսակին համապատասխան քսուքները
• 10 սննդամթերք, որոնք նպաստում են կատարյալ մաշկ ունենալուն

Նոր նյութեր

Միացեք մեզ YouTube-ում... 80հզ.+ բաժանորդ