02:57 Մաշկի ձեր տեսակին համապատասխան քսուքները | |||
Կանայք մինչև խորը ծերություն ձգտում են պահպանել իրենց բնական ցեղեցկությունը: Դրանում նրանց օգնում են տարբեր դիմակները, լոսյոնները, տոնիկները, էմուլսիաները և, իհարկե, դեմքի համար նախատեսված քսուքները: Ճիշտ քսուք ընտրելու համար հարկավոր է իմանալ մաշկի տեսակը:
Գոյություն ունի մաշկի 4 տեսակ, չոր, ճարպոտ, նորմալ և համակցված:
Ճարպոտ մաշկի քսուք Ճարպոտ մաշկի միակ առավելությունն այն է, որ կնճիռներն ուշ են առաջանանում: Նման մաշկի համար նախատեսված սնուցող և խոնավացնող քսուքները պետք է ունենան գելային հիմք և կառուցվածքով լինեն թեթև: Նման քսուքը հեշտ է ներծծվում, ավելցուկ չի թողնում: Արդյունավետ է, երբ քսուքը պարունակում է ծծմբային և ցինկային հավելումներ, երիցուկի, հազարաթերթիկի և վաղենակի էքստրակտ, վիտամին Е և А:
Չոր մաշկի քսուք Չոր մաշկի համար քսուքի ընտրությունը պայմանավորված է դրա սնուցող և խոնավացնող հատկություններով: Քսուքը կարող է իր կառուցվածքով լինել բավականին խիտ, բայց ոչ չափից շատ յուղոտ: Բաղադրության մեջ պետք է պարունակվի նաև էլաստին, հիալուրաթթու, կոլլագեն, վիտամին А և Е: Ինչպես նաև, ուլտրամանուշակագույն ֆիլտրեր, որոնք մաշկը կպաշտպանեն արևի խորտակիչ ճառագայթներից:
Նորմալ մաշկի քսուք Նորմալ մաշկին բնորոշ են մաքրությունը, առաձգականությունը, թարմությունը, փղոսկրյա գույնը, ինչպես նաև բորբոքված մասերի բացակայությունը: Նորմալ մաշկը հարկավոր է և՛ խոնավացնել, և սնուցել: Սնուցող քսուքները չպետք է չափազանց ճարպոտ լինեն, թե չէ մաշկը նորմալից կվերածվի ճարպոտի:
Համակցված մաշկի քսուքներ Համակցված մաշկ ունեցողների մոտ կզակի, քթի և ճակատի մաշկը ճարպոտ է, իսկ այտերի, կոպերի, վզի մաշկը՝ չոր կամ նորմալ: Որպեսզի քսուք հեշտ ընտրել, օգտագործեք միաժամանակ և՛ սնուցող, և՛ խոնավացնող քսուքներ, սնուցողը չոր մասերի համար, իսկ խոնավացնողը՝ ճարպոտ մասերի: Իսկ եթե տարբերությունը մեծ չէ, ապա կարելի է օգտագործել սովորական խոնավացնող քսուք: Ի գիտություն 1. Քսուք գնելիս միշտ ընտրեք ձեր տարիքին համապատասխանը, որը նշված է տուփի վրա, քանի որ, յուրաքանչյուր տարիքի համար նախատեսված քսուքն ունի որոշակի ուղղվածություն: Ընտրելով սխալ տարիքային կարգ՝ դուք ցանկալի արդյունք չեք ստանա: 2. Օգտագործեք և՛ ցերեկային, և՛ գիշերային քսուքներ: Ցերեկային քսուքը արագ ներծծվում է, և հիանալի հիմք է հանդիսանում դիմահարդարման համար: Գիշերայինը հանդիսանում է սնուցող զանգված, այն քսում են քնելուց 2 ժամ առաջ, որը նպաստում է մաշկի վերին շերտի վերականգմանը: 3. Քսուքի ընտրությունը պայմանավորված է եղանակից։ Գարնանը և ամռանը հարկավոր է գնել արևապաշտպան թեթև խոնավացնող քսուքներ, իսկ ձմռանը և աշնանը՝ սնուցող։ 4. Միշտ ստուգեք քսուքի պահպանման ժամկետը։ 5. Միշտ քսուքը քսեք մաքուր մաշկին։
Подпишитесь на доски (Գեղեցկություն և առողջություն) следующих пользователей Pinterest: Օգտակար. Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |