Kiss.am

Դասականներից մեկն ասել է, որ «ձեռագրերը չեն այրվում», բայց գրքերը, այնուամենայնիվ, շատ արագ մաշվում են, և այդ պատճառով հետևեք այս օգտակար խորհուրդներին.

Ընթերցվող գրքին պոլիէթիլենային շապիկ հագցրեք և ստվարաթղթե Էջանիշ օգտագործեք:

Գրքերի փոշին պետք Է մաքրել չոր փափուկ լաթով կամ փոշեկուլով: Սովորաբար դա արվում Է տան ընդհանուր մաքրության ժամանակ:

Խստիվ արգելվում է գրքերի շապիկները խոնավ կտորով սրբելը, թուղթը խոնավություն չի սիրում:

Նեխահոտը նույնպես վնասակար է գրքերի համար, հետևաբար ժամանակ առ ժամանակ օդափոխեք ամուր փակված գրապահարաններն ու դարակները:

Այն գրքերը, որոնց կազմերը կեղտոտվել են, կարելի է մաքրել սպիրտի և ձվի դեղնուցի խառնուրդով: Այդ խառնուրդի մեջ թրջեք լաթը և մաքրեք կեղտոտ կազմը, իսկ հետո փայլեցրեք բրդե կտորով:
Գրքերը կարելի է ընտրողաբար մաքրել:

Դժբախտաբար, սիրելի գրքերի էջերին հաճախ են մատներից հետքեր առաջանում: Այդպիսի բծերը պրտեք օճառով, իսկ հետո մաքուր խոնավ լաթով և էջի երկու կողմերից ծծանի թուղթ դրեք: Հետքը կանցնի, երբ էջը չորանա:

Եթե երկար ժամանակ գրքերը չեն խնամվել և տեղ-տեղ բորբոս է առաջացել, ապա դրանից կարելի է ազատվել նաշադիրի սպիրտի կամ ֆորմալինի 2%-անոց լուծույթի օգնությամբ: Միայն թե այդպիսի մշակումից հետո էջերը պետք է ներծծող թղթի վրայից արդուկով չորացնել: Այս խորհուրդները կօգնեն, որ դուք և ձեր ժառանգները ողջ կյանքում օգտվեք ձեր գրքերից:

Подпишитесь на доски (Օգտակար) следующих пользователей Pinterest: Օգտակար.

Նմանատիպ նյութեր

• Ավտոմեքենա գնելիս...
• 40 օգտակար կայք լեզուներ սովորելու համար
• Երբ ատամնացավ է սկսվում...
• Փողկապը կապելու ուղեցույց
• Ինչպես ստուգել կաթնամթերքի թարմությունը

Նոր նյութեր

Միացեք մեզ YouTube-ում... 80հզ.+ բաժանորդ