Բոլորս էլ ինչ-որ մի պահ ինքներս մեզ հարց ենք տվել, թե ինչն է կյանքում մեզ վրա առավել ազդեցություն թողնում. հենց կյանքի մանրուքներն են, որոնք կուտակվելով կյանքը դարձնում է այնպիսին, ինչպիսին թվում է յուրաքանչյուրիս: Այդ իսկ պատճառով կարևոր է, որ ուշադրություն դարձնենք այդ մանրուքներին:
Հաճախ բարձրաձայն, հաճախ էլ մեր մտքի մեջ մեզ շարջապատող մարդկանց մասին ասում ենք հետևյալ արտահայտությունները` «սիրում եմ այս մարդուն» կամ «չեմ սիրում այս մարդուն»: Իսկ այդ ի՞նչն է, որ մեզ ստիպել է տալիս մի բառով արտահայտել մեր վերաբերմունքը. իհարկե`մանրուքները: Հենց այդ` մեզ մոտ որոշակի դիրքորոշում կամ զգացողություններ առաջացնող մանրուքների մասին էլ կխոսենք: Նշեմ, որ որքան որ մենք ենք մեր մեջ այդ զգացողությունն ունենում, այնքան էլ դիմացինն է մեր նկատմամբ ունենում նմանատիպ զգացողություններ: Դիմացինի վերաբերմունքը մենք չենք կարող կառավարել, իսկ ինչ վերաբերվում է մեր դիրքորոշմանը կամ զգացողություններին արդեն ինքներս ենք ղեկավարը և արժե, որ մեր մանրուքներով լցված կյանքը կազմակերպենք հաճելի և ադեկվատ գոնե մի փոքր էլ դիմացինի մեջ դրական զգացողություն առաջացնելու համար: Առաջինը, որ ամենակարևորն է, մեր էներգիայի ուղղորդումն է դեպի սեփական անձը ճանաչելուն. մի փորձեք նմանվել կամ կրկնօրինակել ուրիշներին, այլ ընթացեք ձեր զգացողությունները և արտահայտման ձևերը ճանաչելու ուղիով: Ձևավորեք որոշակի սկզբունքներ, որով ձեր անհատականությունը կտարբերվի մյուսներից: Չնայած ուշադրության ու էներգիայի դեպի ձեր անձը ուղղորդմանը` անտարբեր մի եղեք մյուս մարդկանց նկատմամբ, բաց եղեք և թույլ տվեք, որ մարդիկ կամաց-կամաց ճանաչեն ձեզ: «Մատչելի» եղեք` ձեր հնարավորությունները հաշվի առնելով: Յուրաքանչյուրի հետ որոշակի թեմա շոշափելիս հիշեք, որ առաջինը դիմացինի մոտ վստահելի մարդու տպավորություն պետք է թողնեք առանց մյուսների հետ շփումից մեջբերումներ անելու, իսկ եթե մեջբերում եք անում, ապա այն պետք է լինի դաստիարակիչ կամ էլ փորձի փոխանակման համար, և նաև մի բան էլ` միշտ ձեր մտքում հիշեք, որ անպայման չէ, որ բոլորը դրական վերաբերմուք ունենան ձեր նկատմամբ: Երբ դիմացինը խոսում է, ուշադիր լսեք նրա խոսքը, որպեսզի մարդը իրեն միայնակ չզգա: Օգնող և բարի եղիեք դիմացինի նկատմամբ այնպես, ինչպես կուզենայիք, որ լինեն ձեր նկատմամբ: Մարիամ Դիլբանդյան
HD որակով դիտել այստեղ: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 834 |
| | |
