Ֆոբիա բառը լսում ենք ամենուրեք՝ հեռուստատեսությամբ, տարբեր մարդկանցից, կարդում ենք գրքերում, լրատվամիջոցներում: Սակայն ինչ է դա՝ ոչ բոլորս հստակ գիտենք: Ֆոբիաներն առանց պատճառի վախեր են, որոնք ոչ մի տրամաբանական բացատրության չեն ենթարկվում: Թվում է, թե եղածը մի փոքրիկ միջատ է և վախենալու բան չկա, բայց կան մարդիկ, ովքեր աննկարագրելի վախ ունեն միջատներից:
Թե ինչից են առաջանում ֆոբիաները, դժվար է ասել: Այն կարող է առաջանալ անցյալում ապրած ինչ-որ տրավմայից, կարող է լինել ուղղակի ինչ-որ թեմայի վրա ֆիքսվածության և ներշնչվողականության հետևանք: Օրինակ՝ եթե մարդն անցյալում տեսել է, թե ինչպես է իր աչքի առաջ շունը մարդ կծել, նրա մոտ կարող է առաջանալ կինոֆոբիա կամ վախ շներից: Հիմա ֆոբիաներն անթիվ-անհամար են: Դրանք հասկանալու համար հոգեբանները փորձում են տարբերակել և առանձին անվանումներ տալ: Օրինակ՝ կան բարձր ձայներից վախեր՝ ֆոնոֆոբիա, վախ սարդերից՝ արախնոֆոբիա, վախ ծակոցներից և սրսկումներից՝ տրիպանոֆոբիա և այլն:
Այս բոլոր անվանումները կարող ենք ներկայացնել երեք մեծ խմբերի մեջ: Դրանք են՝ սոցիալական ֆոբիաներ (վախ հասարակությունից և տարբեր հասարակական իրադրություններից), ագորաֆոբիա (վախ հրապարակներից և ծուղակի մեջ հայտնվելուց) և սպեցիֆիկ ֆոբիաներ (վախ տարբեր կենդանիներից, իրերից, իրավիճակներից): Ֆոբիաներ հաղթահարելը ևս շատ անհատական է և հիմանկանում կախված է տվյալ մարդու ցանկությունից և կամքից: Սակայն միայնակ հաղթահարել այն շատ բարդ է: Ավելի գրագետ կլինի, եթե ինչ-որ ֆոբիա ունեցող մարդը դիմի հոգեբանի օգնությանը: Հաղթահարման մի քանի ձևեր կներկայացնենք մեր հետագա հոդվածներում: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 1745 |
| | |
