Տղամարդիկ ու կանայք շատ տարբեր են, և նրանց տարբերություններից մեկն այն է, որ տղամարդիկ հաճույք են ստանում առավոտյան սեքսից, մինչդեռ կանայք նախընտրում են սեքսուալ ակտիվություն ցուցաբերել գիշերային ժամերին: Գուցե դա կապված է նրա հետ, որ քնած ժամանակ տղամարդու մոտ, որպես կանոն, 3-5 անգամ էրեկցիա է լինում, և առավոտյան նա պատրաստ է տրվելու կրքին: Էրեկցիայով արթնանալը լավ պատճառ է առավոտյան սեքսով զբաղվելու համար: Ցավոք ընկերուհիդ աչքերը բացելիս կարող է նույն տրամադրությունը չունենալ, բայց եթե ճիշտ մոտեցում ցույց տաս հարցին, նա նույնպես կցանկանա սեքսով զբաղվել:

Պատրաստվիր երեկոյան

Առավոտյան սեքսից առաջ վեր կենալու անհրաժեշտությունից խուսափելու համար պետք է նախապատրաստվել դեռ երեկոյան: Անկողնու կողքին դիր անանուխի համով կոնֆետներ կամ շնչառության թարմեցուցիչ, որպեսզի չվախեցնես սիրելիիդ առավոտյան շնչառությամբ: Բացի այդ` քնելուց առաջ գնա զուգարան, որպեսզի առավոտյան ստիպված չլինես: Մի մոռացիր մոտակայքում պահել նաև պահպանակ:

Միացրու քո ներքին զարթուցիչը

Կարևոր է արթնանալ բավականին վաղ, որպեսզի հասցնես սեքսով զբաղվել մինչև աշխատանքի գնալը և վայելես այն աշխատանքային լարված օրվանից առաջ: Լավ կլինի, որ արթնանաս ընկերուհուցդ շուտ, որպեսզի արթնացնես նրան քո քնքուշ շարժումներով: Հիշիր, որ պետք է արդեն պատրաստ լինես, բայց քեզ ժամանակ պետք կգա, որպեսզի պատրաստես նաև ընկերուհուդ:

Քնքշորեն արթնացրու նրան

Ընկերուհիդ, ամենայն հավանականությամբ, չի ցանկանա արթնանալ նրանից, թե ինչպես ես դեմ տալիս հպարտությունդ նրա դեմքին: Դիպչիր նրան քնքուշ և առանց շտապելու, համբուրիր նրա դեմքն ու մարմինը, շոյիր մազերը: Սա կօգնի արթնացնել նրան լավատեսական, սիրային տրամադրությամբ և կտրամադրի առավոտյան սեքսի:

Թող նա իրեն սեքսուալ զգա

Ընկերուհիդ կարող է իրեն այդքան էլ սեքսուալ չզգալ առավոտյան: Նրան համապատասխան տրամադրության բեր, ասա, թե որքան գեղեցիկ է, անգամ երբ կիսաքնած է: Ուշադրություն մի դարձրու նրա թափթփված մազերին, դեմքի վրա բարձի հետքին և ոչ այդքան թարմ շնչառությանը, ասա, որ ցանկանում ես նրան:

Սկսիր օրդ լավ տրամադրությամբ

Սեքսը կարող է օրվա հիանալի սկիզբ լինել: Այն բարձրացնում է ուրախության հորմոնի մակարդակը, դուք ժպտում եք և սկսում եք ավելի թեթև վերաբերվել դժվարություններին: Առավոտյան սեքսը, եթե այն չդարձնել սովորական բան, կարող է հաճելի կերպով բազմազանություն մտցնել ձեր սեռական կյանքում,- գրում է BornToDie-ը:

Նմանատիպ նյութեր

• Վտանգավո՞ր է աբորտը կնոջ համար. ի՞նչ անել այն դեպքում, երբ պահպանակը պատռվել է (18+)
• Ինչու և ինչով է վտանգավոր հայ զույգերի սիրած պաշտպանվելու ձևը. սեքսապաթոլոգի խորհրդատվություն (18+)
• Մերսումը՝ զգացմունքի և մարմնի արթնացման միջոց
• Ինչպե՞ս ասել, թե իրականում ինչ ենք ցանկանում (18+)
• Ինչպես դադարել ամաչել մերկությունից. ինտիմ հարցեր (18+)

Նոր նյութեր

Միացեք մեզ YouTube-ում... 80հզ.+ բաժանորդ

Աղբյուրը: http://www.kiss.am/xarynkar/vol31/2aravotyan_seqsi_hatweli_koghmery-18.jpg