Էրոտիկ մերսում ասելով՝ նկատի ունենք ոչ միայն այն շարժումները, որոնք գրգիռ են առաջացնում: Թուլացնող, հանգստացնող մերսումը, եթե դա իրար սիրող մարդիկ են անում, իրենց միությունը առանձնահատուկ մտերմությամբ է լցնում, ընտանիքի մթնոլորտն ամբողջությամբ լավացնում է: Իսկ դա ավելի է անդրադառնում սեքսուալ հարաբերությունների վրա:
Նույնիսկ ընտանեկան մեծ «ստաժ» ունեցող զույգերը, երբ սկսում են զգայական մերսում կիրառել, կարծես նորովի են իրար ճանաչում: Չնայած մինչ այդ կարծում էին, թե իրար ոտքից գլուխ գիտեն արդեն: Իսկ նրանց համար, ովքեր նոր են իրար ճանաչում, մերսումը մարմնի առավել զգայուն հատվածների ճանաչման ուղիներից մեկն է դառնում: Էրոտիկ մերսումն արթնացնում է զգայականությունը: Եվ եթե դուք դրանից հետո չէիք պատրաստվում սեքսով զբաղվել, մերսումը, որպես կանոն, ինքն իրեն վերածվում է ինտիմ մտերմության, որն ավարտվում է անհավանական օրգազմով: Մերսումը թույլ է տալիս սովորել սիրել զուգընկերոջը, կարգավորում և ամրապնդում է երկկողմանի հարաբերությունները՝ դարձնելով դրանք առավել վստահելի: Բարեհաջող մերսում կատարելու համար անհրաժեշտ է մի քանի պայման: Առաջին հերթին վստահություն այն հարցում, որ ձեզ ոչ ոք չի խանգարում: Այնպես որ, չմոռանաք այնպես անել, որ ձեր ընտանիքի անդամները տանը չլինեն կամ ինչ-որ բանով զբաղված լինեն: Երկրորդ պայմանը՝ տաք սենյակ: Սենյակի ջերմաստիճանը պետք է լինի մոտավորապես 24 աստիճան: Բանն այն է, որ պառկած մարդը արագ է մրսում եւ մկանները լարվում են: Հաջորդ հարցն այն է, թե որտեղ մերսում կատարել: Դրա համար տեղը լայն, բայց չպետք է շատ փափուկ լինի: Մահճակալը կամ բազմոցը միշտ չէ, որ համապատասխանում են այդ պահանջներին: Լավ կլինի մերսումը հատակին կատարել, քանի որ այն ամուր է եւ զուգընկերոջ շուրջը պտտվելու լայն հնարավորություն է տալիս: Կարելի է պառկել գորգին: Չմոռանաք մաքուր սավանի մասին: Մի սավան էլ ձեռքի տակ ունեցեք, որ եթե ձեր ընկերը մրսի՝ գցեք վրան: Հարմարավետություն ստեղծելու համար տարբեր բարձեր օգտագործեք: Մեջքի տակ դրած համապատասխան բարձը որովայնի կամ կրծքավանդակի մերսումը բավական կհեշտացնի: Անկախ նրանից, թե ինչքան հաճելի եւ օգտակար է այս զբաղմունքը, մերսումը կարելի է կատարել միայն այն դեպքում, եթե զուգընկերոջը տհաճ չէ: Գոյություն ունի բուժական մերսում, որը նշանակում է բժիշկը: Իսկ դուք ընդհանուր, թուլացնող մերսում եք անում: Որպեսզի վնաս չտաք, պիտի համոզված լինեք, որ ձեր զուգընկերը առողջ է: Յուղը կամ քսուքը շատ անհրաժեշտ են, քանի որ մարմնի վրայով ձեռքերի շարժումը բավական հեշտացնում են: Իրական զգայական կամ թուլացնող մերսումը միայն փափուկ սահելու դեպքում է հնարավոր:
Յուղի ընտրությանը շատ զգուշորեն մոտեցեք: Սկզբունքորեն՝ ցանկացած կոսմետիկ միջոց հնարավոր է օգտագործել, բայց դրանք, որպես կանոն, սավանների և հագուստի վրա հետք են թողնում կամ էլ արագ ներծծվում են, և ձեռքերը դժվար են սահում: Դրա համար պետք է ձեր ընտրությունը կատարեք մասնագիտացված քսուքներից, որոնք նախատեսված են հենց էրոտիկ մերսման համար: Չմոռանաք, մերսելուց առաջ ձեռքերի մեջ քսուքը մի քիչ տաքացնել: Որովհետև սառը յուղը և ձեռքերը զուգընկերոջը՝ սեքսուալ զգացումների փոխարեն, լրիվ այլ զգացումներ կառաջացնեն: Մերսումը պետք է սկսել փափուկ, լայն, սահող շարժումներով, յուղը քսելով մաշկին: Հետո շարժումները պետք է դառնան առավել ակտիվ, ապահովելով ավելի ինտենսիվ մերսում: Կախված նրանից՝ շարժումը մակերեսային է, խոր, փափուկ և ուժեղ՝ փոխվում է նաև նրա ռիթմը: Կատարելով մերսում, սահուն անցում կատարեք մի հատվածից մյուսը, սկսած շարժումը մի՛ ընդհատեք ու մի՛ անցեք մի մասից մյուսը: Շարժումները պիտի ավարտուն լինեն, պետք չէ այն կտրուկ դադարեցնել կամ ուղղությունը փոխել: Անցումը պետք է բնական լինի, օրինակ, պարանոցից՝ մեջքին կամ կրծքից՝ որովայնին: Եվ ցանկալի է սխեման այնպես կառուցել, որ գրգռումը աստիճանաբար աճի: Ձեռքերը պետք է սահեն մարմնի վրայով և նրբորեն արձագանքեն մերսվողի զգացողությանը: Ինչքան էլ շարժումները ակտիվ լինեն, էրոտիկ մերսման պայմանը նրբությունն է: Չէ՞ որ ձեր նպատակը զգացմունքի և մարմնի արթնացումն է, այլ ոչ թե մկանների ձգումն ու լարումը: Մերսման ավարտը պետք է նույնքան սահուն լինի, որքան սկիզբը: Այդ պահը շատ կարևոր է, անհրաժեշտ է ուշադրություն ու նրբություն: Հատկապես այն դեպքում, երբ մերսումը ավարտվում է հանգստով կամ քնով: Բայց ավելի շուտ այն աստիճանաբար վերածվում է սիրո գիշերի… Զգալով մեկը մյուսի հպումը, մարդիկ հասնում են ոչ միայն ֆիզիկական կոնտակտի, այլ նաև խոր էմոցիոնալ ներդաշնակության: Եթե զույգերին միացնում է իսկական զգացմունքը, մերսումը միայն կհարստացնի այն: Մերսումը, կարծես, սեքսի և իսկական մտերմության միջև կամուրջ է գցում: Թեմայի մասին մանրամասն կարդա՛ նաև այստեղ:
Այլընտրանքային նվագարկիչ այստեղ: * Տեքստային հոլովակները խորհուրդ է տրվում դիտել լիէկրան (fullscreen):
Այլընտրանքային նվագարկիչ այստեղ: * Տեքստային հոլովակները խորհուրդ է տրվում դիտել լիէկրան (fullscreen):
Այլընտրանքային նվագարկիչ այստեղ: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 2516 |
| | |
