Հարցեր հոգեբանին. «Ինչպե՞ս տարբերել սերը կապվածությունից»: Մաս 3-րդ
Ահա այն հիմնական չափանիշները, որոնք ձեզ եմ ներկայացնում հարց ու պատասխանի տեսքով: Դրանք կօգնեն ձեզ կողմնորոշվելու և հստակ տարբերելու սերը կապվածությունից`
 6. Ձեր հարաբերությունների ժամանակ ինչպիսի՞ն է լինում քո վերաբերմունքը ուրիշների հանդեպ: Կապվածություն - Եթե դու կապված ես, ապա քեզ համար ամբողջ աշխարհը պտտվում է միայն քո «սիրո» օբյեկտի շուրջը, իսկ մնացած մարդիկ դառնում են ոչ կարևոր, բացարձակ նշանակություն չունեցող մի բան: Մեկ խոսքով` քո սերը դառնում է քեզ համար կյանքի բանալի: Սեր - Եթե քո սերն իսկական է, ապա քո սիրելին դառնում է այս աշխարհում պարզապես ամենակարևորն ու առաջնայինը քեզ համար: Բայց միայն այդքանը: Ծնողներիդ, հարազատներիդ, ընկերներիդ հետ ունեցած քո հարաբերությունները չեն կորցնում իրենց նշանակությունը, ընդհակառակը` նոր իմաստ ու բոլորովին այլ երանգներ են ձեռք բերում քեզ համար: 7. Ազդու՞մ է քեզ վրա ձեր բաժանումը: Կապվածություն - Զգացմունքների համար լավագույն փորձությունը բաժանման փորձությունն է: Եթե դու պարզապես կապված ես, ապա բաժանումը և ժամանակը հեշտությամբ կսպանեն քո զգացմունքը: Ինչ-որ ժամանակ հետո բոլորովին ուրիշ մեկը, ով պարզապես կլինի քեզ շատ մոտ ու միշտ քո կողքին, կփոխարինի քո սիրելիին և կզբաղեցնի այն տեղը, որը մի ժամանակ Նրան էր պատկանում: Արդյունքում քեզ նրանից կմնան միայն հիշողություններ, ինչ որ նկարներ և այլն: Սեր - Եթե դու իսկապես սիրում ես, ապա բաժանման ժամանակ քո զգացմունքներն ավելի ու ավելի են խորանում: Դու օդի ու ջրի պես զգում ես սիրելլիդ կարիքը: Առանց նրա ոչինչ չես պատկերացնում: Ունենում ես այնպիսի զգացողություն, կարծես կիսվել ես, զրկվել քո մի մասից: Ուրիշ, նույնիսկ ամենագայթակղիչ անձնավորությունը չի կարող զբաղեցնել քո սիրելիի տեղը: 8. Դուք հաճախ՞ եք վիճում: Կապվածություն - Եթե դու կապված ես, ապա վիճում ես, անընդհատ վիճում: Իհարկե, զուգընկերոջդ հետ շատ շուտ էլ հաշտվում եք, սակայն կարճ ժամանակ անց նորից վիճում: Միգուցե պատճառն այն է, որ դուք պարզապես ընդհանուր թեմա չունեք խոսելու ,կամ ընդհանուր հետաքրքրությունների շրջանակն է շատ փոքր: Վեճերը, արցունքները, «ռոմանտիկ» հաշտությունները միայն զրկում են քեզ առողջ ու սառը դատելու կարողությունից:  Սեր - Եթե քո սերն իսկական է, ապա հնարավոր է և լինեն տարակարծություններ, տարաձայնություններ, նույնիսկ` վեճեր: Սակայն սերը կարողանում է ամեն ինչ ներել: Ժամանակի ընթացքում այդ վեճերը թվում են ոչ այդքան լուրջ ու կարևոր: Դուք սովորում եք զիջել: Եվ դա անում եք նրա համար, որ շարունակեք մնալ միմյանց կողքին: Դուք սովորում եք հասկանալ ու ընդունել մեկդ մյուսին այնպիսին, ինչպիսին որ կաք: Դրա հետ մեկտեղ չեք դադարում լինել անհատականություն: 9. Ինչպիսի՞ն ես տեսնում ձեր հարաբերությունները: Կապվածություն - Եթե դու կապված ես, ապա քո և զուգընկերոջդ մասին խոսելիս միշտ ենթագիտակցորեն առանձնացնում ես ձեզ` օգտագործելով «ես», «իմ», «ինձ», «նրա», «նա» բառերը: Սեր - Եթե դու իսկապես սիրում ես, ապա ,որպես կանոն, կասես «մենք», «մեզ», «մերը»: 10. Էգոի՞ստ ես ձեր հարաբերություններում: Կապվածություն - Տղամարդը կարող է հանդիպել գեղեցիկ կնոջ հետ թեկուզ միայն նրա համար, որպեսզի դրանով շոյի իր իսկ ինքնասիրությունը, բարձրացնի սեփական ինքնագնահատականը: Միգուցե այդ կինը չափազանց քմահաճ, «երեսառած» ու հղփացած լինի, սակայն դա ամենաքիչն է տվյալ դեպքում, որ կհետաքրքրի տղամարդուն: Կարևորը նրա համար այն է, որ այդ կինը «բիզնես լեդի» է, և նրան հաճելի է գտնվել այդպիսի կնոջ կողքին: Հենց նույն կերպ էլ կարող է կինն իր կարող է իր կողքին պահել մի տղամարդու, և ոչ նրա համար, որ պարզապես հետաքրքրված է նրանով, այլ որովհետև տվյալ տղամարդու նվիրվածությունը բարձրացնում է սեփական ինքնագնահատականը և արժեքը ուրիշների աչքին: Դու ավելի շատ քեզ համար ես անհանգստանում. մտածում ես. «Նա կդարձնի՞ ինձ երջանիկ, թե ոչ», «Այս հարաբերություններն ինձ ինչ-որ բան կտա՞ն», «Կզղջա՞մ երբևիցէ» և այլն: Սեր - Եթե դու իսկապես սիրում ես, ապա նույնիսկ քո մտքով այդպիսի բաներ չեն կարող անցնել: Դու միշտ ջանում ես անել ամեն հնարավորը, որպեսզի ուրախություն, ժպիտ, երջանկություն պարգևես սիրելիիդ: Ինչ-որ հաճելի բան անես նրա համար: Քեզ ամենաշատը հետաքրքրում է այն, թե դու ինչ կարող ես նրան տալ, այլ ոչ թե ընդունել: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 4436 |
| | |