09:36 Կարողացե՛ք կենտրոնանալ. դա որոշիչ է հաջողություններում | |
 Կարողացե՛ք կենտրոնանալ. դա որոշիչ է հաջողություններումԿենտրոնանալու ուժը մարդու ուշադրության սևեռումն է իրեն շրջապատող առարկաների վրա։Երբ մենք կենտրոնացած ենք որևէ բանի վրա, ավելորդ էներգիա չենք ծախսում որևէ այլ բանի վրա։ Երբ մարդն ուզում է փոխել կյանքը, սկզբի համար նա կարող է գործել երկու տարբերակով։ Առաջին՝ նրան անհրաժեշտ է ուշադրությունը սևեռել այն բանի վրա, ինչ ուզում է փոխել իր կյանքում, և երկրորդ՝ ուշադրությունը սևեռել այն բանի վրա, թե ինչպես է նա ուզում որ լինի այն, ինչ ուզում է փոխել իր կյանքում։ Կենտրոնացման հատկությունը մարդն օգտագործում է նաև երևակայության ժամանակ։ Առանց սրա մարդու միտքը պարզապես կթռչեր մի առարկայից մեկի վրայով։ Այն զարգացնելու համար մարդ պետք է մարզի իր միտքը։ Մեր գլուխն անըդհատ զբաղված է տարբեր մտքերով, որոնց վրա մենք շատ էներգիա ենք ծախսում։ Այդ մտքերը փաստացի կառավարում են մեր կյանքը։ Ավելորդ մտքերից ազատվելու համար մարդ պետք է կենտրոնանա։ Երբեմն մարդ կարող է իր մեջ բացահայտել կենտրոնանալու ուժը։ Երբ մարդն իսկապես ուզում է ինչ-որ կարևոր խնդիր լուծել, այս ուժը նրա համար հասանելի է դառնում։ Նման դեպքում այն ի հայտ է գալիս՝ ելնելով մարդու պահանջմունքներից։ Այդպես է նաև էքստրեմալ պայմաններում։ Հաճախ մարդիկ էքստրեմալ իրավիճակներում ավելի արագ են կարողանում կենտրոնանալ, ճիշտ որոշումներ ընդունել և դուրս գալ ստեղծված իրավիճակից, քան սովորական առօրյա խնդիրների առաջացման դեպքում։ Ամեն դեպքում, կենտրոնանալու ուժը հնարավոր է կառավարել պարբերաբար օգտագործելով այն։ Կենտրոնանալու ունակությունը կարելի է սկսել մարզել հետևյալ կերպ. • հետևել սեփական մտքերին և փորձել կառավարել դրանք, • կարողանալ ընտրել սեփական մտքերից, • կարողանալ մտովի կենտրոնանալ որևէ բանի վրա, մտովի լինել խաղաղ, հանգիստ, ինքնակառավարում և կամքի ուժ ունենալ, ներքին երջանկության հասնել, զարգացնել հոգեկան ունակությունները: Կենտրոնացման ուժի զարգացման միջոցով մարդ կարող է ավելի լավ հասկանալ և ճանաչել իրեն։ Կարողացե՛ք կենտրոնանալ. դա որոշիչ է հաջողություններում 1. Այս երկուսն անվանում են «մոտիվացիա ...-ից» Լ «մոտիվացիա «դեպի...»։ Երկրորդ տարբերակն առավել արդյունավետ տարբերակ է: Այն թույլ է տալիս, որ մարդու միտքն ազատվի նեգատիվ մտքերից Լւ անհանգստություններից, մարդը սկսում է ավելի պարզ պատկերացնել իր նպատակն ու դրան հասնելու ճանապարհները։ 2. Եթե չեք ուզում մտածել կանաչ կոկորդիլոսի մասին, մտածե՛ք կարմիր փղի մասին։ 3. «Եթե դեղահաբ կա, անհանգստանալու կարիք չկա։ Ուղղակի պետք է այն խմել։ Եթե դեղահաբ չկա, ուրեմն ինչո՞ւ անհանգստանալ. անհանգստությունը միայն խորացնում է տառապանքը»։ Դալայ Լամա XIV աղբյուր՝ pshymag.am Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |
|
| |