Երևի ձեզնից շատերն ունեն թույլ ինքնակարգապահություն. ձեզնից որևէ մեկը հիմա ուզում է մի բան անել, բայց չի կարող, օրինակ՝ կիթառ նվագել։ Դուք կարող եք ինքնակարգապահությունը զարգացնել այնպես, ինչպես մարմինն եք մարզում։
1. Ինքնաճանաչում
Կարգապահությունը այնպես վարվելու ունակությունն է, ինչպես դուք ճիշտ եք համարում՝ անկախ նրանից, թե ինչ եք զգում այդ պահին։ Այդ պատճառով ինքնակարգապահության առաջին տարրը ինքնաճանաչումն է։ Դուք պետք է որոշեք՝ որ վարքագիծն է ամենալավն արտացոլում ձեր նպատակներն ու արժեքները։ Այս գործընթացն ինքնավերլուծություն է պահանջում։
2. Գիտակցում
Ինքնակարգապահությունը կախված է այն բանի գիտակցումից, թե ինչ եք անում, իսկ ինչ՝ ոչ։ Եթե չեք գիտակցում, որ ձեր պահվածքը կարգապահ չէ, ինչպե՞ս պետք է իմանաք, թե կարելի է այլ կերպ վարվել։ Ինքնակարգապահության զարգացումը երկար ժամանակ է պահանջում. դրա համար պետք է գիտակցել ձեր պահվածքի ոչ կարգապահ լինելը։
3. Հետևել ինքնակարգապահության
Բավական չէ ինքներդ ձեզ վերլուծելը. պետք է ներքին պարտականություններ սահմանեք։ Օրինակ՝ նախագծի իրականացումը պետք չէ կիսատ թողնել առաջնային ոգևորության մարելու դեպքում։ Դուք պետք է ներքին պարտականություններ սահմանեք՝ ավարտել աշխատանքը ժամանակին և անել այնպես, ինչպես մտադրվել էիք անել։
4. Արիություն
Սխալներ թույլ մի՛ տվեք՝ ձեր առաջ չափազանց բարդ խնդիրներ դնելով։ Տրամադրությունը և ցանկությունը կարող են վիթխարի ուժ տալ, բայց նաև խանգարել։ Այդ պատճառով էլ ինքնակարգապահությունը կախված է արիությունից։ Ձևեր մի՛ թափեք, թե կարող եք հեշտությամբ անել այն, ինչ բավականին բարդ է։ Ընդհակառակը, դե՛մ գնացեք նման դժվարություններին։ Հենց սկսեք փոքրիկ անձնական հաղթանակներ ունենալ, ձեր ինքնավստահությունը և արիությունը կմեծանան, կավելանա նաև ձեր ինքնակարգապահության մակարդակը։
5. Ներքին մարզում
Հաճախ ինքներդ ձեզ հետ զրուցելը վտանգավոր է, բայց որոշ դեպքերում այն կարող է օգտակար լինել, եթե կարողանում եք վերահսկել այն։ Երբ ինքներդ ձեզ փորձության եք ենթարկում, խոսում եք ինքներդ ձեզ հետ, խրախուսում եք, ոգևորում, հնարավորություն եք ունենում հիշելու նպատակի մասին և գիտակցելու ձեր առջև դրված խնդիրը։
Հիշե՛ք՝ ինքնակարգապահության գինն ավելի մեծ է, քան զղջալու ցավը։
Կայքն իր գործունեությունը տեղափոխել է «Ժամանց և Տեղեկատվություն» YouTube-յան ալիք: Շուտով դուք կվերահասցեավորվեք մեր erkusov.com ֆեյսբուքյան էջ: Միացեք 125հզ.+ բաժանորդներին: