Քչերը կարող են պարծենալ, որ լավ ու հասկացող ղեկավար ունեն: Բայց հաճախ էլ առաջ է գալիս մի այլ խնդիր` միգուցե շեֆն այդքան էլ վատ մարդ չէ, և հարցը նրանում է, թե ինչպես եք կառուցել ձեր հարաբերությունները նրա հետ:
Յուրաքանչյուր իմաստուն կին ի վիճակի է վերլուծել իրավիճակը և մշակել այնպիսի ռազմավարություն, որի շնորհիվ զգալիորեն կբարելավի հարաբերությունները ղեկավարի հետ:
Նախ պետք է հասկանալ, որ ղեկավարի աչքերում դուք ոչ թե կին եք, այլ աշխատակից, ենթակա: Այնպես որ հույս մի դրեք միայն ձեր կանացի հմայքի վրա և մի կողմ թողեք կանացի տարբեր «հնարքներն» ու խորամանկությունները: Ղեկավարների մեծ մասի դեպքում, ինչպես ցույց է տալիս փորձը, դրանք չեն գործում:
Շեֆի հետ ավելի լավ հարաբերություններ ունենալու համար դուք պետք է անեք հետևյալը`
1. Մանրամասնորեն ուսումնասիրեք ձեր արտաքին տեսքը: Հագուստը ոճը պետք է աշխատանքային լինի: Որոշակի խստությունն ու ընտրած գույները պետք է շեշտեն ձեր աշխատանքային տրամադրվածությունը:
2. Կարգուկանոն հաստատեք աշխատավայրում: Անթերի դասավորված աշխատանքային սեղանը նպաստում է կազմակերպվածությանն ու օգնում մտքերի կենտրոնացմանը:
3. Դադարեցրեք անվերջ հեռախոսով խոսելը կամ գործընկերների հետ զրուցելը: Չափավորեք համացանցը միայն անձնական նպատակներով օգտագործելը, եթե չասենք` բացառելը: Շեֆերը դա տանել չեն կարողանում:
4. Եթե ծխախոտ եք օգտագործում, մի' շտապեք ծխելու ամեն կես ժամը մեկ: Ծխող կինը վատ առումով գրգռում է, ոչ միայն ղեկավարին, այլև բազմաթիվ արական սեռի գործընկերների:
5. Կատարե'ք նրա բոլոր հրահանգներն, այսպես ասած, առաջին անգամից: Մի սպասեք, մինչև նա հարցնի հանձնարարված գործի մասին: Կատարելով աշխատանքը` կարող եք մոտենալ և զեկուցել, որ ամեն ինչ արված է:
6. Ղեկավարի հետ խոսելիս նայե'ք նրա աչքերին: Այլ ուղղությամբ հառված հայացքը կարող է ընկալվել անհամաձայնություն իր հետ:
7. Մի' խուսափեք պարզաբանել հանձնարարությունը, եթե այն բոլոր մանրամասներով չեք հասկացել: Ձեր հետաքրքրվածությունը և առաջադրանքը հանգամանորեն ճշգրտելու ձգտումը կբարձրացնի ձեզ Շեֆի աչքին:
8. Մի' փորձեք անձնական կամ մտերիմ հարաբերություններ հաստատել բոսսի հետ: Մի մոտեցեք նրան որդու կամ դստեր ծննդի, զոքանչի հոբելյանի կամ այլ անձնական իրադարձությունների առթիվ շնորհավորանքներով /իիարկե, այստեղ կարևոր է, թե որքան մեծ է ձեր աշխատակազմը, քանի որ համեմատաբար փոքրաթիվ աշխատողներով հիմնարկություններում կարելի է մտերմության չափաբաժինն ավելի մեծ է լինում/:
Ղեկավարին շնորհավորել ընդունված է միայն ամբողջ կոլեկտիվի հետ միասին:
Ձեր լուրջ վերաբերմունքն աշխատանքին, անկասկած, ավելի լավ հարաբերությունների կհանգեցնի: Չէ որ ղեկավարը ձեզնից աշխատանքի արդյունք է ակնկալում, ոչ թե անձնական նվերներ կամ կոկետություն: Հարգանքով վերաբերվեք ձեր ղեկավարին: Բամբասանքներ մի տարածեք նրա «թիկունքից»: Մի քննադատեք աշխատանքային նրա մեթոդները:
Դուք պետք է հասկանաք, որ ղեկավարն, ըստ էության, նույնպիսի մարդ է, ինչպես բոլորը: Նա ևս ունի առավելությունների ու թերությունների մի ամբողջ շարք: Եվ եթե դուք համաձայնել եք աշխատել իր ղեկավարած ընկերությունում, ապա պետք է համաձայնեք նրա պահանջներին: Փոխըմբռնումը և սեփական թերացումներն ուղղելուն միտված վարքագիծը հենց կբարելավի ձեր աշխատանքային հարաբերությունները ղեկավարի հետ: