Ռադիոծրագիր սիրահարների համար. "Գիշերային կյանք". vol. 14
21.07.2013, 22:28 | |||||||
  Հայկ Բլբուլյան
"ԳԻՇԵՐԱՅԻՆ ԿՅԱՆՔ" ՌԱԴԻՈՀԱՆԴԵՍՆ` ԱՄԲՈՂՋՈՒԹՅԱՄԲ, ԵՐԳԵՐՈՎ
"Գիշերային պոեզիա" Ներկայացվում են Հայ և օտարերկրացի դասական ու ժամանակակից հեղինակների ստեղծագործությունները:
Շարքի ընթացքում ձեզ մատուցվում են հետաքրքիր տեղեկություններ աշխարհի, գոյի, տիեզերական գաղտնիքների, հոգևոր երևույթների, մեր մոլորակի ու դրա գլխավոր բնակչի` մարդու մասին: Կներկայացնեմ նաև հոգեբանափիլիսոփայական առակներ:
Էջում կլսեք "Աստծո մեծ մտահղացումը" առակը, որը գրի է առել Վլադիմիր Տանցյուրան:
"Երկուսով" Շարքի այսօրվա թեման է` Տղամարդկանց վանող 10 կանացի հատկանիշները:
Գիշերային կյանք ծրագրի նախորդ համարներից մեկում ներկայացրել էի այն 10 հատկանիշները, որոնք կանայք տանել չեն կարողանում տղամարդկանց մեջ: Այն բավականին արձագանքներ ունեցավ և, համոզված եմ, "սթափեցրեց” բազմաթիվ տղամարդկանց: Այսօր կներկայացնեմ տղամարդկանց վանող հատկանիշները, որոնք բնորոշ են որոշ կանանց: Թերությունների գիտակցումը, անկասկած, կնպաստի, որպեսզի թե տղամարդիկ, թե կանայք վերանայեն իրենց պահվածքն ու սովորությունները ամենատարբեր իրավիճակներում, և այս նյութերի նպատակն ընդամենը այն է, որ մենք ավելի ներդաշնակ հաղորդակցվենք հակառակ սեռի հետ:
"Սերը և մեծերը" էջի ընթացքում այսօր կլսեք Լյուդվիգ վան Բեթհովենի նամակները կոմսուհի Ջուլիետա Գուակարդիին:
Երաժշտության հանճար Բեթհովենը (1770 - 182) այս նամակները գրել է 1808թ. 16-ամյա գեղեցկուհի կոմսուհի Ջուլիետա Գուակարդիին: Հանրահռչակ կոմոպոզիտորը նրան է նվիրել Cismolt /"Լուսնի"/ սոնատը: Երբ Բեթհովենը կոմսուհուն երաժշտության դասեր էր տալիս, նա արդեն նշանված էր միջակ երաժիշտ համարվող Հալենբերգի հետ:
Մեր հասարակությանը` թե երիտասարդներին, թե համեմատաբար ավագներին հուզող բազմաթիվ անձնական խնդիրներ կան, որոնց մասին քիչ է բարձրաձայնվում: Այս ռադիոշարքի ընթացքում ձեզ փորձում են կողմնորոշել հոգեբանները:
Էջի այսօրվա հարցն է` «Ինչպես համատեղել մոր և սիրուհու դերերը: Բանն այն է, որ ես հղի եմ, և դա որոշակի խնդիրներ է առաջացնում ամուսնուս հետ ներդաշնակ հարաբերություններ ունենալու առումով»: Մարինա, 26տ.
Գիշերային կյանք թոք-շոուի առաջին հարցի իրավունքը պատկանում է ունկնդրին:
Դուք անկեղծանում եք Ձեզ ամենից շատ հուզող խնդիրների շուրջ, պատմում անձնական մանրամասներ ուղիղ եթերում: Յուրահատուկ է այն, որ ամեն ունկնդիր կարող է հարց ուղղել հաջորդ զանգահարողին, ինչի արդյունքում ստացվում է շղթայական անբռնազբոս զրույց ամենաարդիական թեմաներով: Սեր և երջանկություն, անցյալի մոռացում, ամուսնություն և սեքս, երեխաների դաստիարակություն, վախեր և անհանգստություն, ինքնագնահատականի բարձրացում:
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 2205 | Բեռնումներ: 0
| | |