Որպեսզի մարզանքն օգտակար լինի, այն պետք է տևի 20-25 րոպե: Բոլորովին էլ պարտադիր չէ այդ ընթացքում լրիվ ուժասպառ լինել: Հարկավոր է պարզապես հասնել նրան, որ օրգանիզմի մատակարարումն էներգիայով տեղի ունենա մաշկի տակ գտնվող ճարպային շերտի հաշվին: Իսկ դա նշանակում է, որ վարժության ժամանակ սրտի զարկերի հաճախականությունը պետք է տեղավորվի, այսպես կոչված, նպատակային սահմաններում: 

Այդ սահմանները որոշվում են հետևյալ բանաձևով. 220-ից հանեք ձեր տարիքը և ստացված թիվը բազմապատկեք 0,6-ով (ստորին սահման), իսկ հետո նույն թիվը բազմապատկեք 0,8-ով (վերին սահման): Եթե, օրինակ, դուք 40 տարեկան եք, ձեր սրտի զարկերի նպատակային սահմանը կլինի 108-144 զարկ/րոպեում (220- 40=180, 180x0,6=108, 180x0,8=144): Ահա հենց զարկերի այսպիսի թվի դեպքում ձեր մարզանքն օգտակար կլինի: 

Եթե ձեր սրտի զարկերը գտնվում են նպատակային ստորին սահմանում, ձեր ծանրաբեռնվածությունը ցածր ինտենսիվություն ունի, եթե դրանք վերին սահմանի վրա են ապա ինտենսիվությունը ձեզ համար ամենաբարձրն է:
Մարզանքի հրաշալի կողմն այն է, որ օգտակար Է նշված սահմանների ողջ տիրույթում: Հետևաբար նույնիսկ ցածր ինտենսիվությամբ մարզանքն այն օպտիմալ ծանրաբեռնվածությունն Է, որը հասանելի է ցանկացած մարդու:

Ծանրաբեռնվածության աստիճանը ստուգելու լավագույն միջոցը մարզանքի ժամանակ երգելն է: Երբ կզգաք, որ ձեր շունչը կտրվում է, և ձայնն ընդհատումներով է արտաբերվում, նշանակում Է պետք է մարզման տեմպը թուլացնել:

Подпишитесь на доски (Գեղեցկություն և առողջություն) следующих пользователей Pinterest: Օգտակար.

Նմանատիպ նյութեր

• Ի՞նչ խմել շոգին
• Ի՞նչ անել ծայրահեղ շոգ եղանակին
• Խորհուրդներ մասնագետից. եղունգների խնամք
• Նիհարելուն նպաստող գործոններ
• Գեղեցկության թագն ու պսակը

Նոր նյութեր

Միացեք մեզ YouTube-ում... 80հզ.+ բաժանորդ