06:40 Ի՞նչ կարելի է բուժել գարիով | |||
Ըստ հնէաբանական հետազոտությունների` գարին մեր նախնիներին հայտնի է եղել դեռևս քարե դարում: Գարու հայրենիքը տաք երկրներն են, Միջերկրական ծովի ափերը և Արևելյան Ասիան: Գարու հատիկի արժեքավոր մասը վերնամասն է, որի կազմի մեջ են մտնում մեծ քանակությամբ սպիտակուցներ, որոնք պարունակում են անփոխարինելի ամինաթթուներ, ճարպեր, ածխաջրեր, թաղանթանյութ: Հատիկի մեջ պարունակվում են նաեւ օրգանական թթուներ, պեկտիններ, վիտամիններ` B1, B2, D, E, PP, ցինկ, ֆտոր, քրոմ, յոդ, կայծքար, պղինձ, մանգան, կոբալտ, մոլիբդեն, սելեն, անագ, կալիում, կալցիում: Գարու հատիկից գարեձավար են ստանում: Ֆերմենտային մշակումից հետո գարուց շաքար եւ խաղողաշաքար են ստանում: Գարու հյութը բարերար ազդեցություն ունի լեղուղիների վրա: Հնում գարու հյութով բուժում էին թոքերի տուբերկուլյոզը: Ոչ ավանդական բժշկությունը գարեհատիկն արդյունավետ է համարում ստամոքսի, շնչառական օրգանների, մաշկային հիվանդությունների բուժման գործում: Ավիցենան բազմիցս անդրադարձել է գարու առողջարար հատկություններին: Ներկայացնենք նրա կողմից առաջարկված մի քանի խորհուրդներ գարու օգտագործմամբ. Թաց էկզեմայի ժամանակ գարին խաշել թունդ քացախի մեջ և որպես բուժիչ փաթաթան դնել վերքերի վրա: Հոդատապի ժամանակ գարուց պատրաստում են դեղորայքային փաթաթան` սերկևիլով և քացախով: Կողքի ցավերի ժամանակ գարու ալյուրից, իշառվույտից և կակաչի հյութից պատրաստում են դեղորայքային փաթաթաններ: Ձայնի կորստի ժամանակ 1 ճաշի գդալ գարու հատիկները թրջել եռման ջրով, թողնել 30-40 րոպե, ապա ողողել կոկորդը օրական մի քանի անգամ: Զգալի թեթևացում կզգացվի: Կարելի է նույն թուրմով նաև փաթաթան դնել կոկորդի հատվածում: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |