Դիմահարդարման միջոցով կարելի է թաքցնել դեմքի ցանկացած թերություն: Հայ կանանցից շատերին հուզում է քթի չափը: Այն նույնպես կարելի է փոքրացնել ճիշտ դիմահարդարմամբ: Ահա մի քանի խորամանկություն:
Նման խաբկանք ստեղծելու համար պետք է ձեռքի տակ երեք տոնային կրեմ ունենալ, որոնցից մեկը պետք է գրեթե չտարբերվի մաշկի գույնից: Մյուսը պետք է լինի մեկ տոն բաց, երրորդը` մեկ տոն մուգ: Մեծ ու երկար քիթը փոքրացնելու հիմնական նրբությունն այն է, որ քթի երկարությամբ պետք է քսել բաց տոնային կրեմը, քթի ծայրին` մուգը: Դժվարությունն այն է, որ պետք է հնարավորինս հարթ անցում կատարել մի տոնից մյուսը, իսկ փոքրիկ անհարթությունները կարելի է ծածկել դիմափոշիով:
Քթի չափը կարելի է զգալիորեն փոխել նաև աչքերի ու շուրթերի հարդարմամբ: Օրինակ`շեշտը դնելով աչքերի մեծության վրա: Այդ դեպքում քիթը միանշանակ ստվերում կմնա:
Իսկ սխալ հանված հոնքերի հետևանքով անգամ անթերի քիթը կարող է տգեղ երևալ, այնպես որ ձգտեք, որպեսզի հոնքերը որքան հնարավոր է բնականին մոտ լինեն:
Կայքն իր գործունեությունը տեղափոխել է «Ժամանց և Տեղեկատվություն» YouTube-յան ալիք: Շուտով դուք կվերահասցեավորվեք մեր erkusov.com ֆեյսբուքյան էջ: Միացեք 125հզ.+ բաժանորդներին:
