06:36 Ազատվեք անցանկալի սև կետերից | |||
Նույնիսկ ամենագեղեցիկ դիմահարդարման դեպքում դեմքի մաշկի սև կետերը կարող են ամբողջովին փչացնել ձեր գեղեցիկ տեսքը: Այդ փոքրիկ տհաճ կետերը կարող են ի հայտ գալ սթրեսների, ոչ ճիշտ դիմահարդարման և մաշկի խցանված ծակոտիների պատճառով: Սև կետերը շատ հեշտ են ի հայտ գալիս, բայց շատ դժվար են անհետանում: Եթե նմանատիպ խնդրի առաջ եք կանգնել, ապա ավելի մի բարդացրեք իրավիճակը՝ տարատեսակ քիմիական միջոցներ օգտագործելով: Ավելի լավ կլինի դիմել բնական միջոցների: Ձեզ ենք ներկայացնում 3 բնական բաղադրիչներ, որոնք կմաքրեն և կգեղեցկացնեն ձեր մաշկը: 1. Ջուր եռացրեք, փոքր-ինչ սառեցրեք և լցրեք մետաղյա տարայի մեջ: Սրբիչ գցեք գլխին և գլուխը կախեք մետաղյա տարայի վրա: Սրբիչի տակ մնացեք 5-10 րոպե: 2. Սոդայով սկրաբ պատրաստեք: 1թ/գ կերակրի սոդան և կես թեյի գդալ ջուրը լցրեք տարայի մեջ, խառնեք, մինչև խյուսանման զանգված ստանաք: Ապա ստացված զանգվածով տրորեք դեմքը: Այս կերպ կմաքրեք մաշկն ու կնեյտրալացնեք մաշկի pH մակարդակը: 3. Ձվի սպիտակուցով մաքրում կատարեք: Զգուշորեն հարեք մեկ ձվի սպիտակուցը: Ստացված զանգվածը քսեք քթի շուրջ և այն հատվածներում, որտեղ սև կետեր կան, սպիտակուցի ևս մեկ շերտ քսեք: Երբ ամբողջը չորանա, մաշկից քերեք ձվի սպիտակուցի շերտն ու կտեսնեք, թե որքան կեղտ է դուրս եկել սպիտակուցի հետ: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |