1. Կնճիռներ աչքերի շուրջ (դիմակ)
Հացով դիմակն անփոխարինելի է այս հարցում: Հացը թրջեք հալած կարագի մեջ և քսեք աչքերին: Զգույշ եղեք՝ կարագը չլցվի աչքերի մեջ: 35-40 րոպե հետո լվացվեք տաք ջրով: Կրկնեք սա շաբաթվա մեջ 2 անգամ:
2. Կնճիռներ աչքերի շուրջ (կրեմ)
Խառնեք 2 թեյի գդալ կալենդուլայի ծաղիկը 1 գդալ երիցուկի (դեղատնից) հետ և ավելացրեք 100 մլ տաք ջուր: Թրմեք 25-35 րոպե: Հետո ավելացրեք մեկ ճաշի գդալ ձիթայուղ և խառնեք: Քսեք աչքերի շուրջ ամեն օր: Տնային այս կրեմը կարելի է պահել սառնարանում ամենաշատը 4 օր:
3. Կնճիռներ ճակատին
Շատ կոսմետոլոգներ խորհուրդ են տալիս պատրաստել դիմակ խմորիչով: Նրա մեջ պարունակվող B վիտամինը հարթեցնում է կնճիռները: Ուղղակի մանրացրեք խմորիչն ու խառնեք կաթի հետ: Դիմակը քսեք ճակատին շաբաթը 3 անգամ՝ կես ժամով:
4. Ամբողջ դեմքի համար
Խառնեք ձվի դեղնուցը, մեկ թեյի գդալ կիտրոնի հյութը և մեկ թեյի գդալ գերչակի յուղը: Այս զանգվածով թրջեք մաքուր կտորը և դրեք դեմքին: Հետո դեմքը ծածկեք գոլորշու վրա տաքացրած սրբիչով: 10 րոպե հետո լվացվեք տաք կաթով:
5. Բնական յուղ դեմքի համար
Խառնեք մեկական ճաշի գդալ ցորենի ածիկի, ավոկադոյի և նուշի յուղերը: Ավելացրեք մեկ կաթիլ դեղձի յուղ և 3 կաթիլ քունջութի յուղ: Քսեք կնճիռների հատվածում օրը երկու անգամ: