Ինչպե՞ս գտնել Ձե՛ր տղամարդուն (մաս 5-րդ)
 Միայնա՞կ թե՞ ինքնուրույն Մեր մեջ ասած` մեզանից շատերը որպես անհատականություն կարող են կայանալ նաև առանց սեփական ընտանիքի: Կարող են «կերակրել» և’ իրենց, և’ երեխային, և’ ծնողներին, նույնիսկ անհրաժեշտության դեպքում Ձեր «նախկինին» էլ օգնության ձեռք մեկնել: Մտածե’ք. ուզու՞մ եք ձեր ազատությունն ու ինքնուրույնությունը փոխարինել ամուսնական շղթաներով: Երևի կասեք` այո’: Եթե հանդիպեք այն միակին, որը բոլոր կետերով համապատասխանում է ձեզ, պատրա՞ստ եք հենց հիմա ամեն ինչ փոխել: Դուք պատրա՞ստ եք ձեր տուն, ձեր հոգի, ձեր մարմին ընդունելու օտարին: Եթե ոչ, նշանակում է ենթագիտակցորեն վանում եք տղամարդուն, և ձեր միակը կհեռանա՝ որոնելու ուրիշին: Իսկ եթե պատրաստ եք, հիանալի է: Եկեք միասին քննարկենք, թե ինչպես պետք է վարվենք, որ երջանիկ հանդիպումը կայանա հենց վաղը: Սպեղանի` միայնության դեմ «Երբեք ուշ չէ երջանիկ մանկություն ունենալ»,- ասում են հոգեբանները: Եվ ճիշտ են ասում: Մենք կարող ենք մեր անհատականության, մեր կենսափորձի բարձունքից վերջապես ազատվել այն համոզմունքներից, որոք կաշկանդում են մեզ, դարձնում դժբախտ, փոխել մեր վարքը և շատ շուտով հարսանեկան զգեստ պատվիրել: Ընտրե’ք մանկությունից ժառանգած որևէ համոզմունք, որը, կարծում եք, խանգարում է տղամարդկանց հետ նորմալ հարաբերություններ կառուցել: Ասենք, թող լինի այսպիսին. «Կինը չպետք է առաջինը ծանոթություն հաստատի»: Նախ ամենաբազմազան հարցե’ր ձևակերպեք այս արտահայտության բառերից յուրաքանչյուրի համար: 1.Ո՞ր կինը չպետք է ծանոթանա: Բոլոր, բոլո՞ր կանայք չպետք է առաջինը ծանոթանան: Երբե՞ք: Միգուցե կա՞ն իրավիճակներ, երբ կարելի է, պետք է, անհրաժեշտ է առաջին քայլն անել: 2. Ծանոթանա՞լ չի կարող առաջինը: Իսկ ի՞նչ կարելի է անել առաջինը: Առաջինը արթնանալ առավոտյա՞ն: Աշխատավայրում կատարել և գերակատարե՞լ աշխատանքը: Ի՞նչն է ավելի լավ` ծանոթանալ առաջի՞նը, թե՞ չծանոթանալ ընդհանրապես: 3. Իսկ Ի՞նչ կլինի, եթե, այնուամենայնիվ, կինն առաջին քայլն անի: «Այդ ժամանակ Նա կմտածի…»: Ո՞վ ասաց, թե Նա կմտածի: Դուք կարդու՞մ եք ուրիշի մտքերը: Դե, «նրանց բոլորի մտքին էլ միայն մի բա՞ն կա»: Լավ: Ու՞մ մտքին մի բան կա. հասցեն, անունը ասե’ք, ի՞նչ մասնագետ է, տարիքը, ընտանեկան վիճակը: Բոլորի, բոլորի՞ մտքին կա միայն մի բան … Նման հարցերի միջոցով դուք կհամոզվեք, որ այդ քարացած մտքերը հնացած են և վաղուց դրանցից ազատվելու ժամանակն է: Իսկապես հմայիչ կինը աշխարհին նայում է որպես նվերներով և անակնկալներով լեցուն կախարդական սնդուկի, և նոր ծանոթությունը հենց այդպիսի անակնկալ է: Վարժվե’ք այդ մտքի հետ: 6. Ե Ր Ջ Ա Ն Ի Կ Ա Մ ՈՒ Ս Ն ՈՒ Թ Յ Ա Ն Գ Ր Ա Վ Ա Կ Ա Ն Ը  Լև Տոլստոյի այն միտքը, թե բոլոր երջանիկ ընտանիքները միանման են երջանիկ, հնացել է: Իրականում յուրաքանչյուր ընտանիք պետք է երջանիկ լինի յուրովի: Ներդաշնակ ընտանիք ստեղծելու համար պետք է ճշգրիտ պատկերացնել, թե ամուսնությունից ինչ է ակնկալում ամուսիններից յուրաքանչյուրը: Սիրո «հաշվապահություն» Սովորաբար մարդիկ հանդիպում են, սիրահարվում, հետո աշխատում սիրելիին իդեալական ամուսին դարձնել: Բայց հազվադեպ է դա հաջողվում: Ինչու՞: Որովհետև այս կամ այն մարդուն մենք ընտրում ենք` հաշվի առնելով կա’մ արտաքինը, կա’մ հումորի զգացումը, կա’մ հասարակության մեջ նրա ունեցած դիրքը, սիրահետելու կարողությունը: Այս ամենը իհարկե կարևոր է, բայց ամուսնական կյանքում առաջնային են դառնում բոլորովին այլ որակներ: Ա’յ, հենց այստեղ է որոգայթը լարված: Քանի որ մենք չենք էլ պատկերացնում, թե մեր երջանկությունը ինչով պետք է պայմանավորված լինի, այդ պատճառով էլ չենք կողմնորոշվում, թե մեր ընտրյալը ինչ արժանիքներ պետք է ունենա: Իսկապես երջանիկ և ներդաշնակ միություն ստեղծելու համար պետք է պատասխանել մի շարք հարցերի. ոչ միայն, թե ինչ գույն պետք է ունենան ձեր ընտրյալի մազերն ու աչքերը, այլև` ինչպես պետք է տնօրինեք ծախսերը, շփվեք ծնողների հետ կամ ազատ ժամանակն անցկացնեք: Դրանից հետո միայն ձեր ասպետի տարտամ ուրվագծերը կորոշակիանան, ձեր առջև կհառնի ձեզ համապատասխան զուգընկերոջ կերպարը: Ձեզ թվում է, թե այս ամբողջ «հաշվապահությունը» տեղ չունի այնպիսի նրբանուրբ հարցում, ինչպիսին սե՞րն է: Բայց չէ՞ որ կյանքի ընկերոջ ընտրությունը ավելի լուրջ հարց է, քան, ասենք, բնակարան գնելը, երբ ամեն ինչ եք նկատի ունենում` քանի սենյականոց է, կենտրոնու՞մ է արդյոք, գինը… Իսկ այժմ պատկերացրե’ք, որ նույն բծախնդրությամբ ընտրում եք ապագա ամուսնուն: Ձեզ համար կարևոր են նրա սովորությունները, աշխարհայացքը, երազանքները, ինչպես է ապրելու, ինչի վրա է ծախսելու փողերը… Հենց այս կենսական խութերին բախվելով՝ կխորտակվի ձեր ընտանեկան առագաստանավը: Ուրեմն որքան ջանասիրաբար մաքրեք ապագա ընտանեկան կյանքի հունը, այնքան բերկրալից կլինի համատեղ նավարկությունը: Առաջադրանք ենթագիտակցությանը Նախևառաջ հիշե’ք, որ միշտ ստանում եք այն, ինչ խնդրում եք: Ինչու՞: Որովհետև «մտքի պատվերը» Բարձրագույն ուժերին թելադրում է ոչ թե գիտակցությունը, այլ ենթագիտակցությունը, որը կողմնորոշվում է Ձեր սեփական ցանկություններով, պատկերացումներով: Օրինակ, եթե կինը ցանկանում է հարուստ ամուսին ունենալ, ենթագիտակցությունը հասկանում է. տիրուհուն նախևառաջ դրամ է անհրաժեշտ, և սկսում է փնտրել երազանքն իրականացնելու լավագույն տարբերակներ: Ենթագիտակցությունն ավելի շուտ կստիպի իր տիրուհուն վեր բարձրանալ կարիերայի սանդղակով, քան թույլ կտա կարգավորել անձնական կյանքը: Մենք նույնիսկ չենք պատկերացնում, թե ինչ հզոր ուժ ունի մեր ենթագիտակցությունը: Այն ի վիճակի է իրականացնելու յուրաքանչյուր նպատակ, եթե միայն հստակ գիտի, թե ինչ է պետք տիրոջը: Ուրեմն, իդեալական թեկնածուին գտնելու համար պետք է համոզեք ձեր ենթագիտակցությանը, որ ձեզ անհրաժեշտ է ընտանիք ունենալ, որ ձեր ներքին պահանջը հենց ամուսնությունն է, այլ ոչ թե ֆինանսական կամ բնակարանային պրոբլեմների լուծումը: Հետո անհրաժեշտ է ենթագիտակցությանը հստակ կողմնորոշում տալ ապագա ամուսնու արժանիքների վերաբերյալ, և այդ ժամանակ նա իր բոլոր ուժերը կուղղի ձեր հանդիպումը կայացնելուն: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 1517 |
| | |