Ինչպե՞ս գտնել Ձե՛ր տղամարդուն (մաս 2-րդ)
Կարդացեք նաև հրապարակման 1-ին մասը:  Գաղտնիք երրորդ. Լսի՛ր ինձ, և կսիրեմ քեզ Ուշադրությամբ լսող և քիչ խոսող մարդու մասին ընդհանրապես ասում են, որ նա հրաշալի զրուցակից է: Տղամարդիկ տանել չեն կարողանում շատախոս կանանց, այդպիսիները պարզապես բարկացնում են նրանց: Եզրակացությունը մեկն է. պետք է դառնաք ուշադիր ունկնդիր, ոչ թե պատմող: Ձեր զրույցն այնպես կառուցեք, որ տղամարդն սկսի պատմել իր մասին: Ձեր հարցերը պետք է առնչվեն տղամարդկանց ամենասիրելի թեմաներին: Լսել կարողանալը մեծ արվեստ է, լսել կարողացող մարդը միշտ էլ բոլորի համար հետաքրքիր է: Իսկ եթե սկսեք նաև հիանալ ձեր զրուցակցով, դուք ուղղակի անգին գանձ կլինեք նրա համար: Բայց չափը չանցնեք. ամեն ինչ պետք է բնական լինի: Եթե ախուվախ անելով, աչքերով նրան ուտելով, հիացմունքից ծափ զարկելով նրան լսեք, տղամարդը ձեզ արդարացիորեն կհամարի պարզամիտ հիմարիկ: Քաջալերե’ք նրան իր մասին պատմելիս` ժամանակ առ ժամանակ ասելով` չի կարող պատահել: Այսպիսով զրուցակցին կդրդեք անկեղծանալու: Հնարավորությու’ն տվեք նրան մինչև վերջ անկեղծանալու և պարզեք` արդյո՞ք գլուխգովանի մեկը չէ: Զրույցից և հանձին ձեզ՝ լավ ունկնդրից ստացած բավարարվածության զգացումը տղամարդու մեջ կառաջացնի դրական հույզերի փունջ: Նա անպայման դա կկապի ձեզ հետ, և դուք անխուսափելիորեն դուր կգաք տղամարդուն: Թեստ «Կարողանու՞մ եք լսել»  Նշե’ք այն իրավիճակները, որոնք սրտնեղություն և դժգոհություն են առաջացնում սիրելիի հետ զրուցելիս: 1. Զրուցակիցս թույլ չի տալիս կարծիքս հայտնել, միշտ ընդհատում է խոսելիս: 2. Խոսելիս երբեք չի նայում ինձ: 3. Միշտ իրարանցման մեջ է. թուղթն ու մատիտը նրան ավելի են հետաքրքրում, քան իմ ասածները: 4. Երբեք չի ժպտում: 5. Միշտ իր հարցերով ու մեկնաբանություններով շեղում է ինձ: 6. Աշխատում է հերքել իմ ասածները: 7. Իմ ասածների մեջ բոլորովին այլ իմաստ է դնում: 8. Իմ հարցերին հարցերով է պատասխանում: 9. Երբեմն ասածս կրկնել է տալիս՝ ձևացնելով, թե չի լսել: 10. Զրուցակիցս, մինչև վերջ ինձ չլսելով, ընդհատում է և ասում, որ համաձայն է: 11. Եզրահանգումներ է անում իմ փոխարեն: 12. Իմ պատմելու ընթացքում միշտ աշխատում է լրացումներ անել: 13. Ինձ լսում է ուշադրությամբ, առանց աչքերը թարթելու: 14. Ինձ է նայում գնահատող հայացքով: Դա անհանգստացնում է: 15. Երբ ես ինչ-որ նոր բան եմ առաջարկում, զրուցակիցս ասում է, թե ճիշտ նույն կերպ է մտածում: 16.Չափն անցնում է` չափից շատ գլխով անելով, հոգոց հանելով կամ բացականչելով: 17. Երբ լուրջ թեմաներից եմ խոսում, զրուցակիցս ծիծաղելի պատմություններ է հիշում, անեկդոտներ պատմում կամ կատակ անում: 18. Հաճախ նայում է ժամացույցին: 19. Ստիպում է, որ բոլորը համաձայնեն իր հետ: Յուրաքանչյուր եզրահանգում ավարտում է. «Դուք է՞լ եք այդպես կարծում» կամ «Համաձայն չե՞ք ինձ հետ» արտահայտությամբ: Ամփոփե’ք արդյունքները: Ձեր դժգոհությունն առաջացնող իրավիճակները կազմում են. 14–19 միավոր: Դուք լավ զրուցակից չեք: Պետք է քրտնաջանորեն աշխատեք ձեզ վրա և սովորեք լսել: 9-13 միավոր: Խուսափե’ք շուտափույթ եզրակացություններից, ուշադրությունը մի’ սևեռեք խոսելու ձևի վրա, մի’ կեղծեք, ասվածի մեջ այլ իմաստ մի’ փնտրեք, զրույցի մենաշնորհը ձեր ձեռքը մի վերցրեք: 3–8 միավոր: Դուք լավ զրուցակից եք, բայց երբեմն անուշադրության եք մատնում ձեր զրուցակցին: Թու’յլ տվեք, որ նա իր միտքն ավարտի, ձեր մտքի արագությունը հարմարեցրե’ք նրա խոսքի արագությանը, և համոզվա’ծ եղեք, որ ձեզ հետ շփվելն ավելի հաճելի կլինի: 0–2 միավոր: Շնորհավորում ենք. դուք հրաշալի զրուցակից եք: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 2615 |
| | |