«Սեռական հարաբերություններ»-ը գրում է՝ Սեքսը կյանքի բնական մասն է կազմում: Շատ կանանց համար այն հաճույք ստանալու, իրենց սերը, սեռական ցանկությունները զուգընկերոջը հայտնելու կամ հղիանալու միջոց է: Սակայն սեքսը կարող է լուրջ խնդիրներ առաջացնել, ինչպես օրինակ` անցանկալի կամ կնոջ առողջության վրա ազդող հղիություն, սեռական ճանապարհով փոխանցվող վարակներ, ստիպողական սեքսի հետևանքով առաջացած ֆիզիկական ցավ կամ հոգեկան ճնշվածություն:
Այս խնդիրներից խուսափելու համար կինը պետք է վերահսկի իր սեռական կյանքը: Վերահսկումը պետք է ներառի հետևյալ դրույթները` սեռական զուգընկեր ընտրել կամ ոչ, որոշել երբ, որտեղ և ինչպես զբաղվել սեքսով, որոշել հղիանալ կամ ոչ և եթե հղիանալ, ապա` երբ, կանխարգելել սեռական հիվանդությունները` այդ թվում ՄԻԱՎ/ՁԻԱՀ, զերծ լինել սեռական բռնությունից: Երբ կինը կարողանա վերահսկել իր սեռական կյանքը, նա կունենա պատշաճ սեռական առողջություն: Որոշ հասարակություններում կին կամ տղամարդ լինելը, իրենց սեռական պահվածքի և սեփական մարմինը զգալու մասին որոշակի համոզմունքներ է ներառում: Ստորև նկարագրված են կնոջ սեռականության մասին մի քանի թյուր համոզմունքներ, որոնք բնորոշ են բազմաթիվ հասարակությունների: Այս համոզմունքները, ինչպես օրինակ` կնոջ թերագնահատումը, կանանց ետ են պահում իրենց սեռական կյանքը վերահսկելու կարողությունից: Վերջինս նրանց սեռական առողջությունը մեծ վտանգի տակ է դնում: Թյուր համոզմունք. կնոջ մարմինն ամոթալի է: Երբ երեխաները ծնվում են, ծնողները սկսում են նրանց մարմնի մասին տեղեկություններ տալ: Երբ փոքրիկ աղջիկը մեծանում է, նրան սկսում է հետաքրքրել իր սեփական մարմինը: Նա ցանկանում է իմանալ, թե ինչպես են անվանում մարմնի այս կամ այն մասը և ինչու, և թե ինչու են իրենց սեռական օրգանները տարբերվում տղաների սեռական օրգաններից: Բայց, հակառակ տղաների, աղջիկներին հաճախ նախատում են հետաքրքրասեր լինելու համար և ասում, որ «գեղեցիկ աղջիկները» նման հարցեր չպետք է տան: Եթե աղջիկը ձեռք է տալիս իր սեռական օրգանները, նրան ասում են, որ դա տգեղ և ամոթ է, և որ ճիշտ կլինի ծածկել սեռական օրգանները: Երբ նա սկսում է սեքսով զբաղվել, նա չի կարողանում հասկանալ, թե ինչպես է իր մարմինը սեռական հաճույք զգում և խոցելի է դառնում սեռավարակների ու անցանկալի հղիությունների հանդեպ, քանի որ չի իմանում դրանցից պաշտպանվելու ձևը: Մեր մարմինը ամոթի առարկա չէ: Այն մեզ իրավունք է տալիս հպվել ուրիշներին, հոգալ նրանց մասին և սեռական հաճույք ստանալ: Մենք պետք է բացահայտենք, սիրենք և գնահատենք մեր մարմինը: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 1451 |
| | |
