Յուրաքանչյուր հարսնացուի երազանքն է, որ իր հարսանիքի օրն իդեալական անցնի և ընտանեկան երկար ու երջանիկ կյանքի երաշխիք դառնա: Գուցե հենց դա էլ ստիպում է հարսնացուներին (երբեմն նաև փեսացուներին) հավատալ հարսանեկան սնահավատություններին:
Սակայն հարկ է նշել, որ եթե սկսեք հետևել բոլոր մանրուքներին և ուշադրություն դարձնել բոլոր զուգադիպություններին, ապա ձեր հարսանյաց հանդեսը կվերածվի իսկական մղձավանջի:
Ձեզ ենք ներկայացնում հարսանեկան սնահավատություններ, ավելի ճիշտ զուգադիպություններ, որոնք հաճախ անհանգստության առիթ են տալիս նորապսակներին կամ նրանց ծնողներին.
Չի կարելի ամուսնանալ նահանջ տարում:
Չի կարելի հարսանիքին նվիրել դանակ, պատառաքաղ, մկրատ: Չի կարելի մարգարիտ կրել հարսանիքին, դա հարսին արցունք կբերի:
Չի կարելի վաճառել սեփական հարսանեկան զգեստը: Հարսնացուի զգեստը միայն ճերմակ պիտի լինի:
Հարսնացուն պիտի հասարակ բիժուտերիա կրի, ոչ թե թանկարժեք զարդեր:
Հարսանեկան զգեստը շրջազգեստ պիտի լինի, ոչ թե սեղմաշապիկի և կիսաշրջազգեստի համադրություն:
Որպեսզի նորապսակների կյանքը հարթ լինի ամուսնական մատանիները պիտի հարթ լինեն, ոչ թե քարերով կամ նախշերով:
Փեսացուն մինչև հարսանիքի օրը չպիտի տեսնի հարսի զգեստը: Մինչև հարսանիքի օրը ամուսնական մատանին վնասելը բաժանության նշան է:
Եթե հարսնացուն հարսանեկան զգեստը կրել է մինչև հարսանիքը, ապա հարսանեկան արարողություն տեղի չի ունենա:
Պսակադրության ժամանակ ոչ ոք չպիտի «կտրի» հարսի և փեսայի ճանապարհը դեպի եկեղեցի:
Հարսնացուի ծնողները չպիտի ներկա գտնվեն ՔԿԱԳ-ում (ЗАГС):
Երբ փեսացուն հարսնացուին հայրական տնից տանում է, ոչ մի դեպքում չպիտի հետ շրջվի:
Բարեհաջող են այն ամուսնությունները, որոնք կատարվում են կեսօրից հետո:
Որպեսզի ամուսնական կյանքը երջանիկ լինի, հարսնացուն հարսանիքին պիտի արցունք թափի:
Հարսնացուն չպիտի թույլ տա իր ընկերուհիներին հարսանիքի օրը հայելու դիմաց իրենից առաջ կանգնել:
Ամուսնական մատանու կորուստը հանգեցնում է ամուսնալուծության, բաժանման:
Հարսանիքի օրը անձրևը կամ ձյունը երջանկության նշան են:
Հարսանիքից առաջ նկար նվիրելը բաժանման նշան է:
Ամուսնական մատանին ուրիշին փորձել տալը ճակատագրական դժբախտություն է:
Ամուսիններից ով առաջինը տան շեմից ներս մտնի, նա տանը իշխող կլինի:
Կայքն իր գործունեությունը տեղափոխել է «Ժամանց և Տեղեկատվություն» YouTube-յան ալիք: Շուտով դուք կվերահասցեավորվեք մեր erkusov.com ֆեյսբուքյան էջ: Միացեք 125հզ.+ բաժանորդներին: