Kiss.am

Երեխայի ծննդից հետո առաջին օրերին գրեթե չեք մտածում սեռական կյանքի մասին: Եվ իսկապես, սեռական ինչ հարաբերության մասին կարող է խոսք լինել, երբ կրծքին ամուր սեղմում ես փոքրիկին: Սակայն ընտանեկան և սեռական կյանքը դրանով չի ավարտվում: Հոգատարության և քնքշանքի կարիք ունի ոչ միայն ձեր փոքրիկը, այլև փոքրիկի հայրիկը:

Ամուսինների սեռական հարաբերությունների վրա հետծննդաբերական շրջանում ազդում են բազմաթիվ գործոններ` հղիություն, որոշ բարդությունների առկայություն, կնոջ ինքնազգացողություն:

Բժիշկները սովորաբար խորհուրդ են տալիս վերականգնել սեռական կյանքը ծննդաբերությունից 6-8 շաբաթ անց: Սակայն այստեղ միայն դուք կարող եք գնահատել ձեր ինքնազգոցողությունը և պատրաստվածությունը` շարունակելու սեռական հարաբերությունները:

Վիճակագրությունը վկայում է, որ կանանց գրեթե 50 տոկոսը ծննդաբերությունից հետո առաջին երեք ամսվա ընթացքում դժվարություններ են ապրում և սեռական կյանքն իրենց ուժերից վեր են համարում, իսկ 18 տոկոսը նման խնդիրներ են ունենում ծննդաբերություններից հետո մեկ տարվա ընթացքում:

Պատճառները կարող են զուտ անհատական լինել, սակայն գոյություն ունեն մի քանի ընդհանուր գործոններ, որոնք խանգարում են շարունակել սեռական կյանքը ծննդաբերությունից հետո:

Հեշտոցի լորձաթաղանթի չորություն, որը պայմանավորված է էստրոգեն հորմոնների պակասով, ինչը հեշտությամբ լուծվող խնդիր է: Այս դեպքում ցանկալի է օգտագործել հատուկ միջոցներ, որոնք խոնավացնում են լորձաթաղանթը` լյուբրիկանտներ:

Ցավ և վախ սեռական հարաբերություններից առաջ. պատճառը կարերն են, որոնք դրվել են ծննդաբերությունից հետո առաջացած պատռվածքների վրա: Հեշտոցի շրջանում լորձաթաղանթը շատ զգայուն է հետծննդաբերական շրջանում: Կարերի շրջանում, հատկապես ճնշման ժամանակ, կարող են ցավեր առաջանալ:

Սեռական հարաբերությունների ընթացքում կինը կարող է անգիտակցաբար դիմադրել ներթափանցմանը: Այս դեպքում պետք է փորձել առավելագույնս թուլանալ սեռական հարաբերությունների ժամանակ, օգտագործել «կինը վերևից» կամ  «դեմ առ դեմ» դիրքերը. այսպես կարելի է կառավարել շարժումները և զերծ մնալ ցավից: Սովորաբար կեսարյան հատումից հետո ավելի հեշտ է զբաղվել սիրով, քանի որ չկան ծննդաբերության արդյունքում առաջացած պատռվածքներ և սպիներ: Պատռվածքների առաջացման ռիսկը նվազագույնի հասցնելու համար բժիշկները խորհուրդ են տալիս հղիության ընթացքում կատարել վարժությունների հատուկ համալիր` Կեգելի համակարգով:
 
Կեգելի համակարգ 

Վարժություն 1.
Ձգվեք ցանկացած դիրքում, թուլացրեք փորի, հետույքի և ոտքերի մկանները: Մի քանի անգամ սեղմեք հետանցքի մկանները՝ կարծես թե դիմադրելով դեֆեկացիային (արտաթորմանը): Վարժությունը կարելի է կատարել օրական մի քանի անգամ:

Վարժություն 2.
Միզարձակման ժամանակ դադարեցնել ընթացքը և մի քանի րոպեից շարունակել: Այս վարժության օգնությամբ ամրացնում եք կոնքի հատակի մկանները: Այս վարժությունը կարելի է կատարել ցանկացած իրավիճակում, պետք է միայն պատկերացնել, որ դուք փորձում եք սեղմել սղացող (սահող) տամպոնը:

սեքսապաթոլոգ ՎՐԵԺ ՇԱՀՐԱՄԱՆՅԱՆ

շարունակությունը կարդալ սկզբնաղբյուր կայքում կամ հոլովակում:

HD որակով կարդալ այստեղ:

Նմանատիպ նյութեր

• «Ամուսինն անկողնում արհամարհում է կնոջը, ամիսներով սեռական կյանքով չեն ապրում»
• Արդյոք ճի՞շտ է, երբ ամուսինը ներկա է գտնվում ծննդաբերության ժամանակ. մեկնաբանում է սեքսոլոգը
• Հարց սեքսոլոգին. «Նշանածս շտապում է սեռական հարաբերություն ունենալ. ես այդքան էլ կողմ չէմ...» (18+)
• Ինչ տղամարդիկ չեն սիրում սեքսի մեջ
• «Ինձ լքած ամուսինս վերադարձել է ու միանալ է ցանկանում...». հարցեր հոգեբանին

Նոր նյութեր

Միացեք մեզ YouTube-ում... 80հզ.+ բաժանորդ

Աղբյուրը: http://www.kiss.am/xarynkar/vol25/serakan_kyanqy_cnndaberowtyownic_heto_p.png