«Սեռական առողջություն»

Հնուց ի վեր ինտիմ հարաբերությունների հիգիենայի հետ առնչվում են մի շարք հարցեր, որոնց մասին արժե հիշատակել: Օրինակ՝ «Քանի՞ տարեկանից է նպատակահարմար սկսել կանոնավոր սեռական հարաբերություններ», «Ի՞նչ հաճախականությամբ կարելի է սեռական հարաբերություն ունենալ», «Սեռական հարաբերությունը որքա՞ն պետք է տևի», «Որո՞նք են սեռական ժուժկալության պատճառները» և այլն:

Միշտ չէ, որ տարիքը կարող է հասունության, զգացմունքների փոխադարձության կամ պատասխանատվության զգացումի չափանիշ լինել: Սեռական հարաբերությունների հիմնական արժեքը ոչ թե մեխանիկական գործողությունն է, այլ ամենամտերիմ մարդու հետ ամեախոր զգացումներ ապրելը, ոչ թե մարմինների ֆիզիկական մերձեցումը, այլ միմյանց հաճույք պատճառելու հոգևոր ձգտումը: Այդ զգացումները, ապրումները սովորաբար հասունանում են 18-19 տարեկան հասակում, երբ սկսվում է հոգեբանական, սեռական հասունությունը: Ճիշտ է, վերջին տասնամյակներում ամբոջ աշխարհում նկատվում է սեռական կյանքով ավելի վաղ ապրելու միտում: Դա կապված է երիտասարդ սերնդի ավելի վաղ հասունացման (աքսելերացիա) հետ:

Իհարկե, սեռական ակտիվության աճը պատանեկան հասակում կախված է սեռական համակարգի զարգացման առանձնահատկություններից և սեռական հակումների ձևավորումից։ Այնուհանդերձ, ամեն անգամ չպաշտպանված սեռական հարաբերություն ունենալու դեպքում լավ կլինի, որ երիտասարդը պատասխան տա մի շարք հարցերի. առաջին հերթին մտածի հնարավոր հետևանքների մասին, որոնք, ի դեպ, անցանկալի են թե՛ տղայի, թե՛ աղջկա համար:

Սեռական հարաբերությունների հաճախականության և տևողության մասին հարցեր հաճախ են տալիս երիտասարդ ամուսինները: Այստեղ չկա ընդունված «սեքսուալ նորմա»: Սակայն սեքսոլոգները բերում են հետևյալ վիճակագրությունը. նպատակահարմար է 2-3 սեռական հարաբերություն շաբաթվա ընթացքում, սակայն վախադարձ համաձայնությամբ ինտիմ կապի համար կարող է ընտրվել ցանկացած պահ՝ երեկո, գիշեր, առավոտ, ցերեկ:

Նորից հեշեցնենք, որ սիրախաղի երկարացումը նպաստում է ոչ միայն գուգընկերների սեքսուալ տրամադրվածության առաջացմանը, այլև սեռական օրգանների նախապատրաստմանը՝ խոնավացում (լուբրիկացիա), գրգռվածության կտրուկ բարձրացում և այլն: Շատ կարևոր է սեռական կյանքի որոշակի ռիթմի հաստատումը, որպեսզի մոտենան կամ ավելի լավ է համընկնեն կնոջ և տղամարդու օրգազմի զգացողությունը: 

Подпишитесь на доски (Սեքս փաստեր, ուղեցույց) следующих пользователей Pinterest: Օգտակար.

Подпишитесь на доски (Առաջին սեքս, կուսություն) следующих пользователей Pinterest: Օգտակար.

Նմանատիպ նյութեր

• Ի՞նչ պետք է իմանան աղջիկներն ու տղաները ինտիմ հիգիենայի մասին
• Ծխելու, ալկոհոլի և թմրանյութերի ազդեցությունը սեռական կյանքի վրա
• Թարմությամբ հագեցած մարմնի բուրմունքը էրոտիկ ուժեղ ազդեցություն ունի
• Ինչու՞ է անցանկալի ընդհատված սեռական ակտը որպես պաշտպանվելու ձև օգտագործելը
• Ի՞նչ քանակությամբ սերմնահեղուկ է անհրաժեշտ բեղմնավորման համար. հաճախ տրվող հարցեր

Նոր նյութեր

Միացեք մեզ YouTube-ում... 80հզ.+ բաժանորդ

Աղբյուրը: http://kiss.am/xarynkar/vol33/orig_life_and_love_185_0-1-.jpg