Սիրո մեջ ամենառաջին պայմանը հասուն լինելն է. այդ ժամանակ դու կգտնես հասուն զուգընկերոջ, այդ ժամանակ չհասունացած մարդիկ արդեն քեզ չեն գրավի: Եթե արդեն 25 տարեկանն անց եք, իհարկե չեք կարող սիրահարվել փոքր երեխայի պես. դա անհնար է: Հասուն մարդը բավականին ամբողջական է միայնակ լինելու համար, իսկ երբ հասուն մարդը տալիս է սեր, ապա տալիս է առանց գաղտնի ակնկալիքների, նա պարզապես սիրում է:
Երբ հասուն մարդը սեր է տալիս, ինքն է շնորհակալության զգացում ունենում նրա համար, որ դու այն ընdունել ես. նա չի սպասում շնորհակալության, նա դրա մասին նույնիսկ չի էլ մտածում: Իսկ երբ հասուն մարդը սիրահարվում է մեկ այլ հասուն մարդու, պատկերացնո՞ւմ եք՝ ինչ է տեղի ունենում։ Նրանք միասին են, բայց միևնույն ժամանակ առանձին: Նրանք այն աստիճանի միասին են, կարծես մի ամբողջություն լինեն, բայց նրանց միացումը չի քանդում նրանց անհատականությունները, ընդհակառակը, այն ուժեղացնում է: Երկու հասուն մարդիկ սիրո մեջ միմյանց օգնում են ավելի ազատ և ուժեղ դառնալ: Չկա ոչ մի դիվանագիտական կամ ուրիշին իրեն ենթարկելու փորձ. ինչպե՞ս կարելի է սիրելի մարդուն ենթարկել քո կամքին կամ ցանկություններին: Ինչ-որ մեկին քեզ ենթարկելու փորձը չարության, ատելության արտահայտման ձևերից մեկն է: Սիրո պարադոքսը այստեղ այն է, որ երկու հասուն մարդ միանալով չեն կորցնում իրենց անհատականությունը, այլ ընդհակառակը, ավելի ուժեղնում են՝ միևնույն ժամանակ դառնալով ավելի ազատ: Հասուն մարդը միշտ իր կողակցին ուզում է ազատ, ինքնուրույն և հետաքրքիր տեսնել: Որքան հետաքրքիր ու տարբեր և միևնույն ժամանակ նման են սիրահարները, այնքան ավելի մեծ է միասին լինելու ցանկությունը: Այս աշխարհում սերն ամենահաճելի պարադոքսն է,- գրում է «Դուք և աշխարհը»: Սիրո 12 դաս, որ պետք է յուրացնենք Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 2207 |
| | |
