00:30 Թունդ թեյն ու սուրճը վնասում են լեղապարկին | |||
Երբ անհանգստություն եք զգում աջ կողատակում, ծանրության զգացողություն ուտելուց հետո, ցավ, որն առավել հաճախ զգալ է տալիս աջ ուսի, թիակի շրջանում, ապա ձեր լեղապարկը բորբոքված է, նկատվում է խոլեցիստիտ, որը բավականին տարածված հիվանդություն է և ըստ վիճակագրության՝ այս հիվանդությամբ կանայք երեք անգամ ավելի հաճախ են հիվանդանում:
Խոլեցիստիտի թեթև աստիճանի դեպքում բուժումը կարող եք տան պայմաններում իրականացնել, որի համար անհրաժեշտ է ավելի երկար հանգստանալ անկողնում, թեթևացնել ֆիզիկական ծանրաբեռնվածությունը, կարևոր է նաև հոգեկան հանգիստը: Հատուկ ուշադրություն պետք է դարձնել սննդին, որպեսզի լեղապարկի բորբոքման սրացում առաջացնող հնարավորինս քիչ նյութեր ընկնեն օրգանիզմ: Սուր ցավերի դեպքում խորհուրդ են տալիս խմել ոչ թունդ տաք թեյ, հյութեր և օշարակներ, մասուրի թուրմ, թեթևակի տաքացրած հանքային ջուր, որը պետք է ընդունել ոչ մեծ բաժիններով՝ հասցնելով օրական 6 բաժակի: Քիչ-քիչ սննդաբաժնի մեջ պետք է եփած ոչ յուղոտ ձկնատեսակներ ավելացնել, ինչպես նաև աղացած միս, սպիտակ չորահաց: Անհրաժեշտ է շաբաթը մեկ-երկու անգամ բեռնաթափման օր անցկացնել: Խուսափել թունդ թեյից, սուրճից և գազով ըմպելիքներից: Պետք է բացառել ալկոհոլը, յուղոտ, տապակած ուտեստները:
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| | ||
