00:32 Կանայք և իմիջը. Քո ոճի փոքրիկ գաղտնիքները | |||
Ունենալ սեփական ոճ, ասել է թե լինել կայացած անհատ, մնալ ինքդ քեզ հետ: Այսօր հետաքրքիր մի մղում է նկատվում հայուհիների մոտ, նրանք ցանկանում են հագնել այն ինչ իրենց ընկերուհիները` կորցնելով իրենց «ես»-ը:
Գոյություն ունեն հստակ ձևավորված ոճեր, որոնք լրացնելով կերպարդ, թույլ են տալիս լինել նորաձև և էլեգանտ միաժամանակ, այլ կերպ ասած` մեկ վրձնահարվածով ամբողջացնում են արտաքին տեսքդ:
ԴԱՍԱԿԱՆ
Կանայք, որոնք դասական ոճի կողմնակիցներն են, առանձնանում են երկար և հարթ վարսերով, որը թույլ է տալիս ցանկացած ձևափոխություն; Դիմահարդարումը բնականին մոտ, սակայն պարտադիր է սնգույրի առկայությունը:
Զգեստապահարանը կազմում են կոստյումները շրջազգեստների եվ տաբատների համադրությամբ, գույների խիստ սահմանափակումով:
Թեև դասական ոճ կրել են բոլոր ժամանակներում, այնուամենայնիվ այն ունի մի մեծ թերություն. հաճախ կրելու դեպքում շրջապատողների մոտ տպավորություն է ստեղծվում, թե ցանկանում ես ընդգծել քո առավելությունը նրանց նկատմամբ, ցանկանում ես հայտնվել իշխող վերադասի դերում, այն զրկում է բնականությունից և արտիստիզմից: Կարելի է երբեմն փոփոխություններ կատարել ավելացնելով գույները:
ՍՊՈՐՏԱՅԻՆ
Կարճ սանրվածք, որը չի զգում հատուկ ձևավորման կարիք, չնչին քանակությամբ ստվերաներկ և շրթներկ, միայն կլոր օղեր... սա հատուկ է այն կանանց, որոնք սպորտային ոճի կրողներն են:
Զգեստապահարանը կազմում են լայն տաբատները, հատկապես ջինսե, մեծ գրպաններով շրջազգեստները, տրիկոտաժե բլուզները և գլխարկները, տոպերն ու լայն վերնաշապիկները: Այս ոճի հիմնական թերությունը նրանում է, որ կա վտանգ երևալու անփույթ: Ոճումդ ներառի'ր նաև ռոմանտիկ ոճի տարրեր, եթե չես ցանկանում, որ շրջապատը կարծի, թե զուրկ ես կանացիությունից և քեզ մոտ կտրուկ բացակայում է երևակայությունը:
ՌՈՄԱՆՏԻԿ
Ռոմանտիկ ոճը նախընտրղ կանանց կարելի է հեռվից նկատել: Նրանք ունեն երկար ուղիղ կամ գանգուր սանրվածք: Աչքերը ընդգծված են 2 գույնով, պարտադիր են փայլի առկայությունը և լավ ընդգծված թարթիչները: Հագուստը ընդգծում Է մարմնի բարեմասնությունները: Այս ոճի կրողները սիրում են թափանցիկ և ժանյակազարդ բլուզներ, բարձրացված օձիքօվ և լանջաբաց զգեստներ, ծնկներին հասնող, լայն շրջազգեստներ: Միակ ոճն է, որը չչարաշահելու դեպքում օգնում է լինել միշտ օրիգինալ և կանացի:
ՎԱՌ ԷԹՆՈ
Կանանց այս տիպը հիմնական ուշադրությունը կենտրոնացնում մազերի գույնին, սանրվածքին ու շուրթերին: Ինչ սանրվածք էլ, որ կրեն պարտադիր պայմանը դրա նորաձև լինելն է և վառ գույնը: Դիմահարդարման գլխավոր առանձնահատկությունը «թաց» սանրվածքն է, մատիտով և փայլով ընդգծված աչքերը և վառ ներկած շուրթերը: Զգեստապահարանը ներառում է բոլոր ոճերը, գլխավոր պայմանը, որպեսզի բոլոր հագուստներն էլ ընդգծեն կազմվածքը:
Այս կանայք հաճախ չեն նկատում, որ չափազանց ազատ են հագուկապում, ինչը այնքան էլ առօրեական և ընդունելի չէ... ու հատկապես աշխատավայրում:
Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |