08:24 Ինչպիսի՞ մարդիկ են սովորաբար թմրամոլ դառնում. հոգեբան | |||
Հոգեբան Սամվել Խուդոյանը, խոսելով թմրանյութերի վտանգի մասին, նշում է՝ «Թմրամիջոցներից շատ արագ է գալիս կախվածություն: Այն բերում է բազմաթիվ հոգեբանական խնդիրների, մարդու մոտ թուլակամություն է ձևավորվում, պատասխանատվության զգացումը գրեթե կորչում է, և անձը անտարբեր է դառնում շրջապատի մարդկանց կարծիքի նկատմամբ: Կախվածությունն այնքան մեծ է դառնում, որ թմրամոլից կարելի է սպասել ցանկացած գործողություն»,-ասում է նա:
Թմրանյութերի պարբերաբար օգտագործումը բերում է մահվան.«Այն ուշ թե շուտ բերում է մահվան, դա կարող է տևել տասը տարի, կամ ավելի շատ: Դա կախված է քիմիական նյութի տեսակից, մարդու առանձնահատկություններից»: Պատճառների թվում Սամվել Խուդոյանը առանձնացնում է անձնային առանձնահատկությունները, ինֆանտիվությունը (մանկականություն), իրական կյանքից ոչ բավարար չափի հաճույք ստանալը: «Մարդը մշտապես ձգտում է հաճույքի, և որոշ պայմանների դեպքում կախում է ստանում թմրանյութերից: Դա բերում է գիտակցության մեջ փոփոխության: Սթրեսները ևս մեծ դեր են խաղում: Կա մարդկանց խումբ, որը փորձում է փախչել խնդիրներից այլ միջոցներով, ինչն էլ բերում է թմրամոլության»: Հոգեբանը հայտնում է, որ կան մարդկանց տիպեր, որոնք ընդհանրապես հակված չեն կախվածության: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |