09:48 Ի՞նչ աքսեսուարներ կրել ամռանը | |||
Դեռևս տարիներ առաջ Կոկո Շանելը նկատել է. «Ընտրելով աքսեսուարներ, հրաժարվեք նրանից, որը վերցրել եք ամենավերջում»: Նշանավոր դիզայները կողմնակից էր աքսեսուարների լակոնիկությանը և չէր սիրում ավելորդ զարդեղեն: Սակայն այս սեզոն դիզայներները մոռացել են Շանելի խորհուրդը և առաջարկում են ամռանն օգտագործել հնարավորինս շատ աքսեսուարներ: Այս սեզոնի բոլոր աքսեսուարները պետք է լինեն մեծ և անգամ հեռվից ուշադրություն գրավեն: Dolce&Gabbana-ն առաջարկում է կրել էկլեկտիկ, տարբեր մետաղներից կազմված ականջօղեր, Balmain և Versace-ն իրենց հավաքածուներում ներկայացրել են խոշոր մատանիներ: Նորաձև են նաև պլաստիկից և ծաղկավոր զարդերը: Սեզոնը բացվել է 1920 թվականների «Մեծ Գեբսի» ֆիլմի նշանաբանով. շիկը, փայլը, գեղեցկությունը տեսանելի են ամեն դետալում: Էթնիկ ոճը նորաձև է ինչպես երբեք: Միգուցե այն պատճառով, որ դա հիշեցնում է ճանապարհորդությունների մասին: Աֆրիկյան ոճի գունագեղ, կենդանակերպ նախշերով կամ հնդկական ոճի զարդերը շատ նորաձև են: Գլխի զարդերն այս տարի շատ նման են ծաղկեպսակի, ընդ որում ոչ միայն ծաղիկներով զարդարված, այլ նաև տարբեր հատապտուղներով: Ժապավենով ծաղկեպսակները հիշեցնում են ուկրաինական ազգային ոճը: Հիպիական ոճի շղթայաձև կապերը նույնպես նորաձև են: Ճոխ, սպիտակ գլխարկները կամ արևային ծղոտե գլխարկները միշտ են նորաձև, քանզի պաշտպանում են արևից: Կրեք դրանք մեծ ակնոցների հետ: Բարակ շիֆոնից և մետաքսից գլխին կապելու կտորները կրեք նույնաերանգ բլուզկաների հետ: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| |