FashionYan-ը գրում է՝
Հետևել նորաձևությանը, դեռ չի նշանակում ամեն ինչից տեղյակ լինել: Երբեմն մենք կարող ենք այնպիսի միջավայրում հայտնվել, որտեղ բոլորը խոսում են «նորաձևության լեզվով»:  Օտարահունչ բառեր, որոնք արտասանելն արդեն իսկ բարդ է, ուր մնաց թե՝ դրանց նշանակությունն իմանալ:

Նման տհաճ անակնկալներից քեզ զերծ պահելու համար կարող ես հիշել նորաձևության տերմինների այս փոքրիկ բառաշարքը, որի միջոցով կարող ես խոսել «նորաձևության լեզվով»:

Եվ այսպես`

Haute couture (Հոթ կուտյուր):  Նշանակում է բարձր նորաձևություն: Haute couture անունը կրող նորաձևության տները հագուստ են կարում մեկ օրինակով և հատուկ պատվերով: Haute couture անունը նորաձևության տները ստանում են միայն Փարիզում:  Համապատասխան սերտիֆիկատ ձեռք բերելու  համար անհրաժեշտ է, որպեսզի տվյալ նորաձևության տունը ունենա 20-ից ոչ պակաս աշխատող և տարին 2 անգամ ներկայացնի 50-ից ոչ պակաս մոդելներից բաղկացած հավաքածու: 

Defile (Դեֆիլե): Դեֆիլե են կոչվում նորաձևության ցուցադրությունները, երբ մանեքենուհիները պոդիում են բարձրանում նոր հավաքածուի զգեստները ցուցադրելու համար: Սովորաբար, դա ուղեկցվում է երաժշտությամբ և տևում 20 րոպեից ոչ պակաս:

Trend (Թրենդ):  Որոշակի ժամանակահատվածում ակտուալ համարվող աքսեսուարները, հագուստ, որը հանդիպում է  միանգամից մի քանի խոշոր դիզայներների հավաքածուներում, կոչվում են թրենդ: Սովորաբար այս կամ այն իրի թրենդայնությունը տևում է 3-4 սեզոն:

Couturiere (Կուտուրյե): Բարձր կարգի դիզայներ, որը զբաղվում է Haute couture հագուստի մոդելավորմամբ:

Brand (Բրենդ): Բրենդը առևտրային նշան է (ապրանքանիշ), որն ունի որոշակի կարգավիճակ հասարակության շրջանում: Որպեսզի ապրանքանիշը համարվի բրենդ, պետք է օգտագործողների ամենաքիչը 20 տոկոսի հավանությանն արժանանա:

Vintage (Վինտաժ): Վինտաժային են հավարվում ավելի քան 20 տարվա կյանք ունեցող իրերը, որոնք պահպանել են իրենց տեսքը, համապատասխանում են իրենց ստեղծման ժամանակաշրջանի թրենդներին և ներկա ժամանակաշրջանի նորաձևության պահանջներին:

Lookbook (Լուքբուք): 

Oրիգինալ ու նորաձև հագուստի ֆոտոշարք` բաղկացած հայտնի դիզայներների առաջարկած հագուստներից: Երբեմն lookbook-ն օգտագործվում է որպես«պորտֆոլիո» բառի հոմանիշ:

Prêt-à-porter (Պրետապորտե): Բառացի թարգմանաբար նշանակում է պատրաստի հագուստ: Սա այն հագուստն է, որն արտադրվում է մեծ ծավալներով` զանգվածային սպառման համար:

Նմանատիպ նյութեր

• Կանանց սիրելի բարձրակրունկների մասին...
• Սքարլեթ Յոհանսոնը, Դակոտա Ֆենինգը և այլք Կարլ Լագերֆելդի օբյեկտիվում
• Lady In Red. Ամանդա Սեյֆրիդը գովազդում է դիմահարդարման աշնանային հավաքածուն
• Նորաձևության պատմություն. 1-ին սերիա «Անտիկ շրջան. Հռոմեական շքեղություն» (VIDEO)
• Յուրահատուկ աքսեսուարներ Տոնոյան քույրերի կողմից

Նոր նյութեր

Միացեք մեզ YouTube-ում... 80հզ.+ բաժանորդ