18:17 Երթևեկու՞մ ես ավտոմեքենայով, ուրեմն պահպանի'ր մեջքդ | |||
Շտապում եք ժամադրության, բայց կես ժամից ավելի ավտոմեքենայում եք ահավոր խցանման պատճառով: Արդեն մոտենում եք պայմանավորված վայրին, դուրս եք գալիս մեքենայից և կռանալով ուզում եք ուղղել կոշիկի կապը, ու հանկարծ… առանց որևէ մեկի օգնության անկարող եք ուղղվել. մեջքի սուր ցավը անշարժացրել է ձեզ: Այսպիսի իրավիճակներն անխուսափելի են, երբ մեքենա ընտրելիս առաջնորդվում եք միայն արտաքին տեսքով:  Նստատեղի անհարմարությունը կարող է ազդել ձեր առողջության և հատկապես ողնաշարի վրա: ՈԻստի բացի գեղեցիկ տեսքից՝ կարևորե՛ք նաև հարմարավետությունը: Երկարատև ուղևորություններն ունեն իրենց բացասական ազդեցությունը. երկար ժամանակ նստած մնալը կարող է լուրջ վնաս հասցնել ձեր ողնաշարին: Որպեսզի խուսափեք դրանից, ժամանակ առ ժամանակ կանգառնե՛ր արեք: Երկար ճանապարհ գնալու դեպքում մեքենայից դու՛րս եկեք 100կմ մեկ կամ յուրաքանչյուր մեկուկես ժամը մեկ: Երկար ճանապարհի ընթացքում անհրաժեշտ է կատարել մի քանի պարզ վարժություններ: Դրանք կատարե՛ք՝ սկսելով պարզից և քիչ-քիչ մեծացնելով ծանրաբեռնվածությունը: Լարված նյարդերը թուլացնելու համար հասարակ քայլքն էլ մեծ նաշանակություն կարող է ունենալ: Եթե մեքենայից դուրս գալ հնարավոր չէ (օրինակ` ճանապարհային խցանում), ապա կարելի է կատարել ինքնամերսում կամ ձեռքերի ու ոտքերի վարժություններ հենց մեքենայի մեջ: Նույնիսկ ոտնակի տեղադրվածությունը կարող է ազդել մեջքի «ինքնազգացողության» վրա: Ժամանակակից ավտոմեքենաների նստատեղերը հարմարեցված են «միջին» վարորդի կառուցվածքին, և հաշվի առնված չեն կնոջ մարմնի առանձնահատկությունները: Մինչև ավտոմեքենա գնելը համոզվե՛ք 1. որ մեքենայի նստատեղը ձեզ հարմար է, 2. կառավարման հարմարանքները հասանելի են ձեզ, 3. մեքենան ունի ղեկը և նստատեղը կարգավորելու հնարավորություն, 4. կարգավորիչները համապատսխանում են նորմերին և պարզապես գովազդի համար չեն: Իսկ ի՞նչ անել, եթե արդեն գնված մեքենայի նստատեղը անհարմար է: Պետք չէ հուսահատվել: Մեքենայի համար նախատեսված բարձիկներ կան, որոնք հատուկ գոտիներով հարմարեցվում են նստարանի մեջքի մասում` վարորդին հարմար բարձրության վրա: Այս բարձիկները հնարավորինս թեթևացնում են ողնաշարի վրա ընկնող ծանրությունն ու ավելի հարմարավետ դարձնում մեքենա վարելը: Առո՛ղջ եղեք, դա անխափան երթևեկության կարևոր պայմանն է… Անահիտ Պողոսյան  Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| | ||