Որոշ կանանց դավաճանությունները բացատրվում են հորմոններով
Ամերիկյան գիտնականները հայտնաբերել են, որ կանայք, որոնց մոտ սեռական էստրադիոլ հորմոնի մակարդակը բարձր է, չեն բավարարվում իրենց զուգընկերներով և ավելի են հակված դավաճանության: Բացի այդ, այդպիսի կանայք, որպես օրենք, ավելի սեքսուալ արտաքին ունեն ինչպես իրենց, այնպես էլ շրջապատի աչքերում:  Տեխասի համալսարանի հետազոտողները որոշել են ուսումնասիրվող 17-ից 30 տարեկան 50 կանանց էստրադիոլի մակարդակները: Որից հետո խնդրել են նրանց, պատմել իրենց կարծիքով որքան գրավիչ են իրենք իրենց զուգընկերների համար ու նաև ասել, թե քանի զուգընկեր են նրանք ունեցել և որքան հաճախ են փնտրել կարճ կամ երկարատև սեռական հարաբերություններ: Ուսումնասիրվող կանանց լուսանկարները գնահատվել են նաև անկախ տղամարդկանց ու կանանց խմբի կողմից: Միաժամանակ, նրանց, ովքեր հետազոտության ժամանակ զուգընկեր են ունեցել, խնդրել են նաև գնահատել սեփական հավատարմությունը զուգընկերոջ նկատմամբ, զուգընկերների հետ հարաբերություններից զգացմունքային ու սեքսուալ բավարարվածությունը: Արդյունքները ցույց են տվել, որ էստրադիոլ հորմոնի ավելի բարձր մակարդակ ունեցող կանանց մոտ մեծ է այլ տղամարդկանց հետ սիրախաղելու ու լուրջ հարաբերությունների մեջ մտնելու հակումը: Բայց և այնպես մեկանգամյա պատահական հարբերությունները հորմոններից կախված չեն: Հետազոտությունները ցույց են տվել նաև, որ էստրադիոլի բարձր մակարդակ ունեցող կանայք ընտրում են տղամարդկային սեռական հորմոն տեստոստերոնի բարձր մակարդակ ունեցող զուգընկերներ: Նմանատիպ հորմոնային գործընթացները առայժմ լիովին ուսումնասիրված չեն: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 1739 |
| | |