Բիլ Գեյթս. Հաջողության պատմություն / Bill Gates. A Tycoon Story (2012)
Բիլ Գեյթս՝ աշխարհի ամենահարուստ մարդկանցից մեկը, համակարգչային մագնատ, Microsoft ընկերության հիմնադիրը: Գեյթսը արձանագրել է իր անունը պատմության մեջ՝ անկախ նրանից, ինչ են իր մասին մտածում ժամանակակիցները: 1974 թ.-ին, երբ սովորում էր Հարվարդի համալսարանում, Բիլն իմացավ, որ ստեղծվել է աշխարհում առաջին անհատական համակարգիչը: Նա հասկացավ, որ եկել է իր ժամանակը: Ընկերոջ Պոլ Ալենի հետ որոշեց այդ համակարգչի համար գրել այնպիսի ծրագիր, որը կկարողանային օգտագործել ոչ միայն մասնագետները, այլև սովորական մարդիկ: Իրենց հիմնած Microsoft ընկերության համագործակցությունը IBM-ի հետ թույլ տվեց Բիլ Գեյթսին իրականացնել իրական հեղաշրջում համակարգչային բիզնեսում և դարձավ իր ընկերության իրական հզորության սկիզբը:
2008 թ.-ին նա հայտարարեց, որ հեռանում է Microsoft-ի ղեկավարի պաշտոնից: Մարդն, ով երազում էր նվաճել աշխարհը համակարգչային ծրագրերի միջոցով, իր առջև նոր նպատակ դրեց՝ դառնալ մեծագույն բարերարը մարդկության պատմության մեջ: Ֆիլմում օգտագործված են արխիվային ձայնագրություններ և լուսանկարներ, հատվածներ Բիլ Գեյթսի ելույթներից: Նրա մասին պատմում են դպրոցական և համլսարանական ընկերները, Microsoft ընկերության աշխատակիցները, լրագրողները և համակարգչային տեխնոլոգիաների փորձագետները:
| Մեկնաբանություններն ընդամենը՝: 0 | |