Ժամանակակից սրամտություններ
Ջոն Փիրս անունով մի մարդ ժողովել է ասույթների մի ամբողջ հավաքածու: Նա հեղինակ է համակարգչի և էլեկտրոնային արտադրության ու նրա զարգացման մասին չափազանց արժեքավոր մտքերի:
 Տվյալ հարցի կապակցությամբ նրա սիրած մտքերից մեկը դրված է Փիրսի օրենքի ձևակերպման մեջ. «Խնդրի լուծումը փոխում է հենց խնդիրը»: Փիրսը նկատի է ունեցել, որ ժամանակակից համակարգիչների առաջարկած զանազան լուծումներն սկսում են նոր, ավելի լուրջ խնդիրներ առաջ բերել: Իր ճշմարտությունն ապացուցելու համար նա «Նյու Յորք» ամսագրում իր ստեղծած «Ադամ» համակարգչի գովազդներ տպագրեց և դիմելով ընթերցողներին, խնդրեց ուղարկել նախընտրած գաղափարներ, սկզբունքներ, օրենքներ, տափակ մտքեր, մտորումներ… Նամակները թափվեցին հեղեղի պես և արդյունքում կազմվեց մի ամբողջ գիրք, որ վկայում էր, թե ինչքան շատ են աշխարհում անհայտ փիլիսոփաները: Ահա նրանցից մի քանիսը: 1.Ֆլինի մտորումները Եթե կարողանայի նորից ապրել կյանքս, ապա միևնույն սխալներն ավելի արագ կկատարեի: 2. Բարախի կանոնը Ալկոհոլիկը այն մարդն է, ով ավելի շատ է խմում, քան իր բժիշկը: 3. Հորովիցի կանոնները Իմաստությունն այն է, որ գիտես, թե երբ խուսափես կատարելությունից: Երկու վայրկյանում համակարգիչն այնքան սխալ է անում, որքան քսան հոգին` քսան տարում: 4. Փոնսի պոստուլատը Այն պահին, երբ տղամարդը հմտություն է ձեռք բերում կնոջը բաց գրքի նման կարդալու, ուրեմն չափազանց ծեր է գրադարան պահելու համար: 5. Սոդերքվիստ տատիկի տափակությունը Խոզերի մեծ մասը վերջանում է երշիկ դառնալով: 6. Չագերի կողմից հաստատված փաստ Ասացեք ինչ-որ մեկին, թե տիեզերքում 300 մլն աստղ կա, կհավատա: Ասացեք, որ նստարանը նոր է ներկված, կուզենա շոշափել, որ վստահ լինի: 7. Տորոյի օրենք Երբ գլխի եք ընկել, որ ինչ-որ մեկը մոտենում է ձեզ ակնհայտորեն բարություն անելու մտադրությամբ, անհապաղ փախեք, փրկվեք: 8. Հարաբերականության երկրորդ տեսություն Եթե ձեր ծնողները երեխաներ չունենային, դուք, ամենայն հավանականությամբ, նույնպես չէիք ունենա: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 965 |
| | |