Ծաղկաքաղ Մարկեսի (ոչ միայն նրա) մտքերից
 «Եթե Աստված մեկ վայրկյան մոռանար, որ ես ընդամենը կտորե տիկնիկ եմ և ինձ մի քիչ կյանք շնորհեր, ապա ես չէի ասի այն ինչ մտածում եմ, այլ կմտածեի այն մասին, ինչ խոսում եմ:Ես կգնահատեի իրերը ոչ թե իրենց արժեքով, այլ իրենց նշանակությամբ: Ես քիչ կքնեի, շատ կերազեի` գիտակցելով, որ եթե աչքս մեկ րոպե փակեմ, կկորցնեմ լույսի 60 վայրկյան: Ես կքայլեի, երբ մարդիկ քնած լինեին, ես կլսեի, երբ մյուսները խոսեին: Եվ ինչպե՜ս կվայելեի շոկոլադե պաղպաղակը… Եթե ինձ Աստված մի քիչ կյանք պարգևեր, ես հասարակ կհագնվեի, կարթնանայի արևի առաջին շողերի հետ` մերկացնելով ոչ միայն մարմինս, այլև հոգիս: Աստվա'ծ իմ, եթե ես սիրտդ ունենայի, ատելությունս կձուլեի սառույցին և կսպասեի արևածագին: Ես կնկարեի սատղերի ներքո, ինչպես Վան Գոգը, կերազեի Բենեդետտեի պոեմի մասին և Սերրա երգը կլիներ իմ լուսնային սերենադը: Ես վարդերը կջրեի իմ արցունքներով, կհամտեսեի ցավը նրա փշերից և ալ թերթիկների համբույրը: Աստված իմ, եթե ես մի քիչ կյանք ունենայի… Ես ամեն օր կասեի իմ սիրելի մարդկանց, թե որքան եմ իրենց սիրում: Ես սիրո մեջ սիրով կապրեի: Ես կապացուցեի մարդկանց, որ իրենք սխալվում են` կարծելով, թե ծերանալիս չեն սիրահարվում, հակառակը` նրանք ծերանում են, քանի որ չեն սիրահարվում: Ես երեխային թևեր կտայի, սովորեցնելով ինքնուրույն ճախրել: Որքան բան եք սովորեցրել ինձ, օ, մարդիկ... Ես հասկացա, որ ամեն մարդ, ուզում է ապրել լեռան գագաթում, չհասկանալով, որ իսկական երջանկությունը իրեն է սպասում ներքևում: Ես հասկացա, որ երբ նորածինը բռնում է հոր մատը իր փոքրիկ ափի մեջ, նա այն ընդմիշտ է բռնում: Ես հասկացա, որ մարդը իրավունք ունի մեկ ուրիշին վերևից նայել միայն այն դեպքում, երբ պատրաստվում է նրան ձեռք մեկնել: Ես այնքան բան սովորեցի ձեզանից, սակայն դրանից այնքան էլ օգուտ չկա, քանի որ լցնելով այս ամենով իմ ճամպրուկը, ես ցավոք սրտի մահանում եմ»: Ես քեզ սիրում եմ ոչ թե նրա համար, թե ով ես դու, այլ նրա` թե ով եմ ես, երբ քո կողքին եմ: Ոչ ոք արժանի չէ քո արցունքներին, իսկ նա, ով արժանի է, քեզ թույլ չի տա արտասվել: Միայն այն, որ քեզ թվում է, թե քեզ չեն սիրում ինչպես կուզենայիր, դա դեռ չի նշանակում, որ քեզ չեն սիորւմ ամբողջ հոգով: Երբեք մի՛ դադարիր ժպտալ, նույնիսկ այն ժամանակ, երբ տխուր ես. ինչ որ մեկը կարող է սիրահարվել քո ժպիտին: Հնարավոր է, որ դու այս աշխարհում ընդամենը սովորական մեկն ես, մինչդեռ ինչ-որ մեկի համար մի ամբողջ աշխարհ ես: Միշտ էլ կգտնվեն մարդիկ, ովքեր քեզ ցավ կպատճառեն, պետք է շարունակել սիրել մարդկանց, միայն թե մի քիչ ավելի զգույշ եղիր: Տարածել... Նմանատիպ նյութերՆոր նյութերՄիացեք մեզ YouTube-ում... 80հզ.+ բաժանորդ
| Դիտումներ: 972 |
| | |